ساڵی-1966-لە گوندی سەقزلووی هەرێمی #موکریان#ی ڕۆژهەڵاتی کوردستان لە دایک بووە. پاشان بە ماڵەوە لە شاری بۆکان نیشتەجێ بوون.
لە ساڵی-1979-وە هاوکات لەگەڵ پەرەسەندنی خەباتی گەلانی ئێران دژی ڕێژیمی پەهلەوی، لەگەڵ ئەوەی تەمەنی کەم بووە، لەگەڵ هەر دوو برای شەهیدی ڕەشید و سەعید لە ڕیزی ڕێکخراوی چریکە فیدائیەکانی گەلی ئێراندا، تێکەڵ بە خەباتی سیاسیی بووە.=KTML_Photo_Begin=https://www.kurdipedia.org/files/relatedfiles/2009/971/0006.JPG=KTML_Photo_Alt=حسێن یەزدانپەنا=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2009/971/0006.JPG=KTML_Photo_End=
ساڵی-1991-سەرەتا ئەندامی دەستەی دامەزرێنەر و پاشان دوای تێرۆری سەعیدی برای، هەر لەو ساڵەوە تا ساڵی-2006-سکرتێری گشتی #پارتی ئازادیی کوردستان# (یەکێتی شۆڕشگێڕانی پێشوو) بووە.
ساڵی-2006-لە یەکەم کۆنگرەی پارتی ئازادیی کوردستان دا، دەستی لەو پۆستە هەڵگرتووە، بەڵام لەسەر پێداگری کۆنگرە و سەرۆکی-PAK-بە جێگری سەرۆکی ئەو پارتە هەڵبژێردراوە.
دەیان بابەت و لێکۆڵینەوە و وتوێژی لەسەر پرسە سیاسییەکان لە ئۆرگان و هەفتەنامە و ڕۆژنامەکانی کوردستان و ماڵپەڕە ئەنترنێتییەکان دا بڵاو بووەتەوە.
دەرچووی کۆلێژی زانستە سیاسییەکانی #زانکۆی سەڵاحەدین#ە بە پلەی باش لە ڕیزی-10-کەسی یەکەمدا.