ناو: حەسەن
ناوی باوک: یوسف زەمانی
ساڵی لەدایکبوون: 1931
شوێنی لەدایکبوون: شاری #سنە#
ڕۆژی کۆچی دوایی: #16-08-2009#
شوێنی کۆچی دوایی: شاری تۆرینتۆی وڵاتی کەنەدا
$ژیاننامە$
حەسەن لە ساڵی 1931 لە شاری سنە لەدایک بووە و خوێندنگەی موزیکی سەربازی لە ئێران تەواوکردووە. برای موزیکژەنی بەناوبانگی کورد #حسێن یوسف زەمانی#یە. لە ساڵی 1949 لە ڕادیۆیی #ورمێ# کاری کردووە، ساڵی 1956 لە ڕادیۆ سنە و لە ساڵی 1958 لە ڕادیۆیی تاران. لە ساڵی (1991) چووەتە وڵاتی کەنەدا و لە شاری تۆرۆنتۆ نیشتەجێبووە. لە ماوەی ژیانیشیدا لە کەنەدا چەندین کۆنسێرتی بە زمانی کوردی و فارسی ئەنجامداوە لە شارەکانی تۆرۆنتۆ و مۆنتریاڵ. لە تەمەنی هونەری خۆشیدا دەیان کۆنسێرتی گەورەی گێراوە و دانەری سەدان ئاوازە بۆ گۆرانیبێژە گەورەکانی وەکوو شەجەریان، #مەزهەری خالقی#، #شەهرام نازری# و دەیانی تر.
لە 16-08-2009 کاتژمێری 3:00 بەیانی بەکاتی شاری تۆرۆنتۆی کەنەدا، دڵی مامۆستای مۆسیقایی کوردی مامۆستا حەسەن یوسف زەمانی لە لێدان کەوت.