- دۆزینەوەی گۆڕێکی بەکۆمەڵ لەنزیک کۆمپانیای گازی باکوور لە کەرکووک، لەم گۆڕەدا نزیکەی 20 تەرمی تێدایە.
- کورد و شیعەی ئێڕاقی لەسەر ئەوە ڕێککەوتن کە سەرۆکی پەڕڵەمانی ئێڕاق ببێتە عەرەبێکی سوننە.
- پارتی دەهەپ بۆ ئاهەنگەکانی جەژنی نەورۆز لە دیاربەکر - ئامەد، هەردوو جەلال تاڵەبانی و مەسعود بارزانیی بانگهێشتن کرد. شایانی باسە هەر بۆ ئاهەنگی نەورۆز سەرۆک کۆمار، سەرەک وەزیران و سەرۆکی پەڕڵەمانی داگیرکەری تورکیش بانگهێشتن کراون.
- داگیرکەری تورک ئاهەنگەکانی جەژنی نەورۆزی لە فایلی تیرۆر دەرهێنا و بەپێی فەرمانێک کە ئاڕاستەی فەرمانگەکان کراوە نابێت بەم بۆنەیەوە ڕێگیریی ئاهەنگ و کۆبوونەوەکان بکرێت.
- دۆزینەوەی 3 گۆڕی بەکۆڵ لە نزیک چواڕیانی کەرکووک - دوبز، لەم گۆڕانەدا نزیکەی تەرمی 81 کوردی تێدابوو کە ساڵی 1991 لەلایەن داگیرکەری ئێڕاقییەوە گوللەباران کرابوون.
- ڕوودانی تەقینەوەیەک لە کەمپی پەنابەرانی کورد لە نزیک شاری ئەسینا لە یۆنان و بووە هۆی کوژرانی پەنابەرێک و بریندارکردنی 3یانی تر، پۆلیسی یۆنان ڕایگەیاند کە تەقینەوەکە لە ئەنجامی دووبەرەکیی خودی پەنابەران خۆیانەوە بووە.