ل ساڵا (1963) ل گوندێ (بێسفکێ) ل دەڤەرا دوسکیا ژ بنەمالەکا هەژار و جوتیار و شورەشگێر ژدایک بوویە و هاتیە سەر دونیایێ، و هاتە ب ناڤکرن ب(فەریق محمود سلیمان بێسفکى)، ل ژیێ 6 سالیێ چوویە خاندنگەها سەرەتایى و ب سەرکەفتیانە ب دویماهیک ئینایە، و پاش قوناغا ناڤنجى ل مانگێشکێ ب دویماهیک ئینایە و چوویە پەیمانگەها بەرهەڤکرنا ماموستایان ل دهوکێ ل وى وەختى دا ژبەر گەرمە گەرما شورەشا (26)ێ گولانا پێشکەفتنخواز، و ژبەر بەرزاتیا هەستا کوردایەتیێ ل دەف شەهید ل هەیڤا (5) یا سالا (1977) پەیوەندیێ ب رێکخستنا نهێنى یا پارتى کر و دگەل رێکخراوا (شەفەق) یا سەر ب لیژنا ناوچا دهوک ڤە دەست ب کار و چالاکیێن پارتایەتى کر، و کەسەکێ ب بزاڤ و چالاک بوو دناڤ جەرگێ دوژمنى و شیا دناڤ قوتابیان دا ل پەیمانگەهێ دەست ب رێکخستنا نهێنى بکەت، هەر ژبەر زیرەکى و شارەزایا و دلسوزیا وى ل هەیڤا (3) ل ساڵا (1979) دبیتە ئەندامێ رێکخراوا ناڤ لێ ئیناى، و ل وى وەختى سیخورێت بەعسیان وەکى دێوەکێ هار لێ هاتبوون و ب هەمى لایەکى ڤە دوژمناتیا کورد و کوردایەتیێ دکر، و ئەڤ رێکخراوە ژلایێ رژێما ئەفلەقى یا بەعسیان ڤە ئاشکرا دبیت و چەندین هەڤالێن شەهیدى ژلایێ رژێما بەعسیان ڤە هاتنە گرتن، و ل (22-02-1980) شەهید و دگەل (57) قوتابیان بریارێ ددەن چەکێ شەرەفێ ب هەلگرن و بەرەڤ رێزێن پێشمەرگێ کوردایەتیێ ب رێ کەفتن و هەر دوى دەمى دا ناڤێ خۆ دگوهوریت بۆ ژ (فەریق) بۆ ناڤێ پارتایەتیێ و پێشمەرگایەتیێ (جەمیل بێسفکى)، و خێزانا خۆ ل باژێرێ خۆ دهێلیت و بەرەڤ لقا1 ل کوماتەى ب رێ دکەڤیت و هەر دگەل گەهشتنا وان بۆ لقى1 ژبەر بارودوخێ خراب یێ وى سەردەمى بریار ژلایێ سەرکردایەتیا پارتى ڤە هاتەدان کو شەهید و دگەل (5) ژ هەڤالێن وى بمینە ل بارەگایێ لقێ و هەڤالێن وان یێ دى بچنە ئیرانێ، د وى ماوێ کێم دا و ژبەر شارەزایى و دلسوزیا شەهیدى ل سالا (1980) دبیتە کادر دگەل مەفرەزا شەهید (تاهر زێوەى) و (محەمەد حەمدى) و پاش ماوەیەکى بەرەڤ دهوکێ ب رێ کەفتن و وەکو کادر هەر جارەکێ سمینار ل گوندەکى ددان و بۆ خەلکێ گوندى و جوتیاران بەحسێ بارودوخێ وى وەختى دکر کا چەوا دێ بەرهنگاریا دوژمنى بن و بەرەڤانیێ ژ خۆ و دوزا خۆ یا پیرۆز کەن، و ل (17-11-1980) ل سەر رێکا گوندێ (کەلا شێخو) داستانەکا گەلەک ب ناڤ و دەنگ هاتە تومارکرن و شەهیدى رۆلەکێ مەزن و بەرچاڤ هەبوو دڤێ داستانێ دا، و دڤێ داستانێ دا ب زیانێن مەزن و پێش چاڤ ب دوژمنى کەڤتن، و هەر ژبەر زیرەکى و شارەزاى و دلسوزیا شەهیدى ل (06-09-1982) بۆ بەرپرسێ رێکخراوا (هورمز مەلک چکو) و پاش د هەمان سال دا رژێما ئەفلەقى دەیک و بابێن شەهیدى دەستەسەرکرن و زیندانکرن بۆ ماوێ (2) سالا د زیندانا (ئەبوغرێبدا) ل بەغدا داکو شەهید خۆ ب دەتە دەست رژێمێ، بەلێ هەر شەهیدى ئەڤ رێبازە بەر نەدا و گوتى ئەگەر دایک و بابێن من بکوژن ئەز خۆ نادەمە دەست دوژمنى، و دێ یێ بەردەوام بم ل سەر رێبازا پارتى و بارزانى و دێ خەباتێ ل پیناڤ کەم هەتا دویماهیک هەناسا خۆ، پاش د هەمان سال دا بریندار دبیت ل هەیڤا (12) ل سالا (1983) ێ، و کاک ئدریس بارزانى دیاریەک پێشکێشى شەهیدى کر و شەهید وەکو سەرکردە دا نیاسین بۆ جەنابێ سەرۆکى، و پاش ل سالا (1985) بۆ بەرپرسێ رێکخراوا (برادوست) سەر ب لیژنا دهوک ڤە و ل سالا (1987) د شەرێ مالتایێ دا ب گرانى بریندار دبیت رەوانەى ئیرانێ دکەن بو چارەسەریێ و هەرل وێرێ چاڤ ب جەنابێ سەروکى کاک ئیدرسى دکەڤیت پشتى ماوەیەکى دمینیت تاکو چارەسەریا برینا وى هاتیەکرن هەر زووى جارەکا دى دەست دا خەباتێ، و پاش سالا (1988) ل دەمێ ئەنفالێن رەش ئەو بۆ رژێما بەعس جارەکا دى کەربێ گرت و هار بوو و ب چەکێ کێمیاوى و گەلەک چەکین دى بکاردئینان دژى خەلکێ سڤیل و ب وێ ئەگەرێ خەلکێ مە ژى بەرەڤ سنورێت تورکیا و ئیرانێ ڤە چوون و شەهید ژى دگەل هزارەهان ژخەلکێ بێ دەستهەلات بەرەڤ سنورێ تورکیا ڤە چوون و ل کەمپا مێردینێ یا دورماندور سیمەکرى ئاکنجى بوون و ل وێرێ ژى دەست ژ خەباتا خۆ بەرنەدا و ئەندامەکێ چالاک و ب بزاڤ بوو دناڤ کەمپى دا گەلەک جاران کار ژى گریتنە دەست وەکو سەرپەرشتیکرنا کرنا ئیدارە و رێکخستنا پارتایەتى ل کەمپێ و هەردەم هاریکاریا خەلکى دکر و دگوت (دڤان نێزیکادا دێ زڤرینە کوردستانا ئازاد)، ل وى دەمى شەهید و دگەل چەند هەڤالەکا ژ کەمپا مێردینێ ب رێ کەفتن بۆ ولاتێ ئیرانێ دکاوادنەکێ سەخت و دژوار دا داکو پشکداریێ د کونگرێ دەهێ یێ پارتى ل سالا (1989) دا بکەن، و زڤرینە ڤە بۆ کەمپا مێردینێ و مانە دناڤ سیمەیێ چارچوەکرى دا هەتا دەسپێکرنا سەرهلدانا پیروز ل سالا (1992) شەهید ب ئێکجارى کەمپا مێردینێ بجە دهێلیت و دگەل وى جەماوەرى د زڤریتە ڤە باوەشا ئاخا پیرۆزا کوردستانێ و هەر جارەکا دى چەکى شەرەفێ ددەتە ملێ خۆ ل مەیدانا خەباتێ کار دکەتن و سالا (1993) هەلبژارتن هاتنەکرن بۆ کونگرێ پارتى و لیژنێن ناوچان شەهید یێ ئێکێ دەرکەت ل وان هەلبژارتنان و هەر بۆ کونگرەى ژى یێ دووێ دەرکەفت و بۆ کارگێرێ لیژنا ناوچا دهوک وەکو جێگر و ل سالا (1995) دبیتە بەرپرسێ لیژنا ناوچا برایەتى و ل سالا (1997) بۆ جێگرێ سوپایێ 1 و ل سالا (1999) دبیتە بەرپرسێ سوپایێ1 و ل سالا (2000) بۆ بەرپرسێ سوپایێ 15 ل سەرسنکێ تاکو سالا (2002) و پاش بۆ بەرپرسێ سوپایێ18 ل دەرکارێ، و ل سالا (2003) بۆ بەرپرسێ رێکخستنا پێشمەرگەى ل فەرماندەیا زێرەڤانیێ، و پاش ل سالا (2004) بۆ فەرماندێ فەرماندەیا گشتى یا ژینگەهێ ل هەڤلێرێ، هەروەسان شەهیدى ژبۆ نەهاتنا دەرفەتێ ددەمێ شورەشێ دا کو بخوینیت کو حەزا خواندنێ هەبوو هەتا سالا (2004) جارەکا دى زڤری ڤە خواندنێ و بۆ قوتابێ کولیژا یاسا و رامیارى و ل قوناغا چوارێ بوو، و بۆ زانین شەهیدى پشکدارى د شەران دا کریە و ژوان (شەرێ کەلا شێخو، شەرێ رەبیا تەحلاڤا، شەرێ هەمزا گرسەیسى، شەرێ دەرگەلى،َ شەرێ مەجلمەختێ، شەرێ بێسفکێ، دانانا کەمینا ل جادا مانگێشکێ و زاویتە و حەسەن ئاڤا و دانانا کەمینا جادا سێمێلێ، شەرێ دژى حزبا بەعس و گرتنا چەند جەحشکا ل مانگیشکێ و شەرێ پشتا دەرگەلا شێخا، شەرێ پشتا زێوکێ، شەرێ گوندێ کورێمێ، شەرێ مەتارێ بامەرنێ، شەرێ دێرەلوکێ و شەرێ کانى ماسێ و شەرێ گەلناسکێ و شورى گەلیێ بیرێ دەشتا سێمێلێ و شەرێ گارە و شەرێ مەتین) و چەندین شەر و داستانێن دیتر، هیچ جارەکێ ژى بەحسێ زەحمەت و ماندیبوونێ نەدکر و هەتا رۆژا دویماهیکێ ژ ژیێ خۆ یێ بەردەوام بۆ ل سەر رێبازا پارتى و بارزانى و شەهیدى روژ بۆ روژێ پتر وەختێ خۆ تەرخان دکر بۆ خزمەتکرن و پاراستنا سروشتێ کوردستانا پیرۆز ئەوێ ب دەستێ دوژمنان هاتیە ژناڤبرن، بەلێ زەحمەت و ماندیبوونا وى و برینداریا وى چەند جارا و مانا وى ب چەند رۆژا دناڤ بەفرێ دا و چەندین نەخوشیێن دى یێن دژیانێ دا توش بوویێ بوونە ئەگەر کو توشى ئیشەکا گران ببیت و چەندین جارا چوویە ولاتێ ئیرانێ و تورکیا و ئەلمانیا و ئوردن بۆ چارەسەریێ، و پشتى بورینا (32) سالێن خزمەت و خەباتێ مخابن ل سپێدەهیا رۆژا ئەینى رێکەفتى (12-12-2008) بۆ جارا دویماهیکێ خاترا خۆ خاست ژ هەڤال هوگرێت خۆ، و شەهیدى (6) کور (7) کچ ل پشت خۆ هێلاینە بۆ خزمەتکرنا گەلێ کورد.

http://www.pdk-leqa1.com/sd.php?id=2535