ئەوەی سمێڵی سوور بێت هەمزاغا نییە
پیاوی خانەدان و قەدر گرانی کورد(هەمزە ئاغایی مەنگوڕ) پیاوێکی بە دەسەڵاتی ڕۆژگاری خۆی بووە، لە دەستڕۆیشتویی و خانەدانیدا ئەو پەندەیان پێدا گووتوە، جێگەیی سام و هەیبەتی هەردوو دەسەڵاتی(عوسمانی و قاجاری) بووە، هەردوو حکومەت ئەژماری تایبەتیان بۆ کردووە، بۆیە بە پیلانێکی داڕێژراو لەلایەن حکومەتی (قاجاری)ەوە لە ساڵی(1881) شەهیدی دەکەن و دەیکوژن و سەری لە جەستەی جیادەکەنەوە، بۆیە دوای نەمانی بە سەدان(لاوک حەیران)یان لە ناوچەی(مەنگوڕیایەتی) بۆ ئەم(هەمزاغا) بەغیرەت و بەویقارەیان دا هەڵگوتووە، دوای شەهیدبوونی هەمزاغای مەنگوڕ تا ئەمڕۆ ئه و ئیدیۆمە کورد هێناویەتیە ناو وتە بەبایەخ و درکە جوانەکانیەوە کە دەوترێت(هەرکەس سمێڵی سوور بێت هەمزاغا نییە) واتە هەموو سمێڵدار و نێرینەیەک کە بودەڵە و گزگل و بۆرە پیاو بێت نابێتە هەمزاغا و جێگەی ناگرێتەوە.[1]