کورتە فیلمێکی کوردییەو ماوەکەی (29) دەقیقەیە و لەنواندنی دوو منداڵی کوردی سلێمانی سەروەر فازیل و زەمەن تەها-یەو چەند هونەرمەندێکی کوردە، دەرهێنانی هونەرمەند کارزان قادر-ە کە هونەرمەندێکی کوردی دانیشتووی سوید-ە.
ئەم فیلمە بەرهەمی کارنامەی دەرچوونی کۆمەڵێک خوێندکاری قۆناغی سێیەمی زانکۆی (دراماتیسکا ئینستیوتیت)ی سویدییە لەستۆکهۆڵم کە زانکۆیەکە بۆ بەرهەمهێنانی فیلم و کاری پێگەیاندنی کادرە بۆ دروستکردنی فیلم، بەشی یەکەمی بەرهەمەکە لەساڵی پاردا لەسلێمانی و بەهاوکاری کەناڵی کوردسات و تەلەفزیۆنی خاک و سولی فیلم و ئاڤا میدیاو کۆمپانیای کۆداک و تەلەفزیۆنی حکومی سویدی و چەند کۆمپانیایەکی بەرهەمهێنانی فیلم دروستکراوە.
لەئێستادا ستافی ئەو فیلمە بۆ بەرهەمهێنانی بەشی دووەمی ئەم فیلمە لەکوردستانن و لەو بارەیەوە کارزان قادر وتی: ماوەی دوو هەفتەیە بەخۆم و ستافێکی سویدی گەڕاوینەتەوە کوردستان ئێستا سەرقاڵی هەڵبژاردنی شوێن ئەکتەرین بۆ بەشی دووەمی فیلمی بێ کەس و کە هەمان کۆمپانیاکانی پێشوو هاوکارمان دەبن.
بەشی یەکەمی (بێ کەس) چەندین خەڵاَتی لەوڵاتانی ئەوروپا بەدەستهێناوە لەوانە ئێرۆ ماش، ستۆکهۆڵم فێستیڤاڵ، نۆدی تایلەندو چەندین خەڵاتی دیکە. بڕیارە ئەم فیلمە ماوەکەی بکرێتە (90)خولەک و لەسەر سیستمی (35)ملیم و لەمانگی (3)ی ئەمساڵدا بەشی دووەمی وێنە بگیرێت.
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
این مقاله 7,274 بار مشاهده شده است
نظر خود را در مورد این مقاله بنویسید!