روژنیوز - خەتاب عومەر
ل سنورێ قەزایا زاخۆ دسالا 2014 دە 524 روودانێن جودا هاتنە تومارکرن ل رێڤەبەریا بارەڤانیا باژارێ زاخۆ و دسالا 2014 دە 20 وەلاتى ل سنورێ زاخۆ خەنقینە.
ئەڤیندار عزەت بەرپرسێ پشکا راگەهاندنا ئاگر ڤەمراندنێ ل قەزایا زاخۆ راگەهاند: دسالا بورى دە ل سنورێ قەزایا زاخۆ 524 روودانێن جودا ل رێڤەبەریا بەرەڤانیا باژارێ زاخۆ هاتنە تومارکرن ، گوت ژى دسالا بورى دە 22 حالەتێن خەنقینێ ل زاخۆ پەیدا بونە و ژوان ژى 20 کەسان جانێ خوە ژ دەست دایە .
ئەڤیندار داخویاکرن 205 لافاو ل قەزایا زاخۆ دسالا بورى دە دروست بونە کو هەر یەک ژ بنگەهێ زاخۆ و رزگارى و گەلیێ زاخو و باتیفا ب خوە ڤە دگرە، ئەشکەرەژى کر پتریا روودانان ب ئەگەرێ کارەبێ بونە کو 91 حالەت پەیدا بوون.
بەرپرسێ پشکا بارەڤانیا باژارێ زاخۆ ئاماژە ب روودانێن دن ى کرو گوت 87 روودان ب دەستێ زارویان بونە و 144 روودان ژى ئاگر بەربون بون ب گەنم و دەخلێ وەلاتیان کو ئەگەر نە دیارن ، سوتنا 75 ترومبێلا و 24 بیستانا و خوەندنگەهەک و 6 دوکان و 2 بەنزینخانا و 5 کوگەهان و 210 پیشێ بەرداى ژى دئامارێن واندە هاتنە تومارکرن ل سالا 2014.