پۆلیسی هەولێر ئاماری قوربانی ڕووداوەکانی هەفتەی ڕابردووی بڵاوکردەو لەو ماوەیەشدا حەوت هاوڵاتی لە هەولێر بەهۆی ڕووداوە جیاوازەکانەوە گیانیان لەدەستداوە.
کاروان عەبدولکەریم وتەبێژی پۆلیسی هەولێر لە بابەتێکدا لە پەڕەی تایبەتی خۆی لە تۆڕی کۆمەڵایەتی فەیسبوک وێنەی قوربانیەکانی بڵاوکردووەتەوە کە سەرجەمیان تەمەنیان لە 30 کەمترە.
وتەبێژی پۆلیسی هەولێر دەشڵێت: هۆکاری گیان لەدەستدانی ئەو حەوت کەسەی هەفتەی ڕابردوو، ڕووداوی هاتوچۆ و خنکان بووە.
داواش لە هاوڵاتیان دەکات، ئاگاداری خۆیان و کەسوکاریان بن بۆ ئەوەی بەدووربن لە هەر ڕووداوێکی نەخوازراو.
- 01-05-2015