وەزارەتی سامانە سروشتییەکانی حکومەتی هەرێمی کوردستان لەمانگی ڕابردوودا 12 ملیۆن و 763 هەزارو 566 بەرمیل نەوتی هەناردە کردووه و داهاتەکەی 413 ملیۆن و 994 هەزارو 993 دۆلار بووە، ئەوەش بەراورد بە مانگی پێشتر کەمیکردووە.
وەزارەتەکە ئەمڕۆ لەراگەیەنراوێکدا لەسەر ماڵپەڕی فەرمی خۆی بڵاویکردەوە، لەمانگی ڕابردوودا ڕۆژانە 411 هەزار و 727 بەرمیلی هەناردە کردووە کە کۆی گشتی بۆ مانگەکە دەکاتە 12 ملیۆن و 763 هەزارو 566 بەرمیل.
هەروەها داهاتی نەوت له و مانگەدا 413 ملیۆن و 994 هەزارو 993 دۆلار بووه و بەراورد بە مانگی پێشتر کەمیکردووە، نرخی هەر بەرمیلێک نەوتیش مانگی ڕابردوو بە 32 دۆلارو 44 سەنت فرۆشراوە.
رێژەی هەنارده و داهاتی نەوتی مانگی ڕابردوو ئاب/8 بەراورد بە مانگی تەمموز/ 7 نزمبوونەوەی بەخۆوە بینیوە، به و پێیەی لەتەمموزدا 14 ملیۆن و 176 هەزارو 761 بەرمیل نەوت هەناردە کراوە، کە تێکڕا دەکاتە ڕۆژانە 457 هەزارو 314 بەرمیل نەوت و داهاتەکەی 461 ملیۆن و 196 هەزار و 477 دۆلار بووە. تێکڕای نرخی فرۆشتنی هەر بەرمیلێک لە نەوتی خاوی هەرێمی کوردستان 32.53 دۆلار بووە.
لەداهاتی مانگی ڕابردوو حکومەتی هەرێم لەدوای دانەوەی قەرزی کۆمپانیاکان و پارەی پترۆ دۆلار بە کەرکووک نزیکی 350 ملیۆن دۆلاری وەرگرتووە.
- 05-09-2016