دواڕۆژ،
وەزارەتی نەوتی عێراق ئاشکرایکرد، لە مانگی ئەیلولدا (935) هەزار و (270) بەرمیل نەوتی لەرێگەی بەندەری جەیهانی تورکیاوە هەناردەکردوە.
لە بەیاننامەیەکدا وەزارەتی نەوت ڕونیکردووەتەوە دوای زیاتر لە 4 مانگ وەستان، هەناردەی نەوتی کۆمپانیای نەوتی باکور، ڕۆژی (18)ی ئاب حکومەتی هەرێم و حکومەتی ناوەند ڕێکەوتن لەسەر دەستپێکردنەوەی هەناردەکردنەوەی نەوتی کۆمپانیای نەوتی باکور لەرێگەی بۆریيەکانی گواستنەوەی نەوتی هەرێم بۆ بەندەری جەیهانی تورکیا.
بەگوێرەی ڕێککەتنەکە، ڕۆژانە 70 هەزار بەرمیل نەوتی کێڵگەکانی کۆمپانیای نەوتی باکور هەناردە بکرێت، کە لەلایەن حکومەتی هەرێمەوە بەڕێوە دەبرێت.
بەپێی بەیاننامەکە، لە مانگی ئەیلولدا وەزارەتی نەوتی عێراق بەتێکڕایی (98) ملیۆن و (285) هەزار و (239) بەرمیل هەناردەکراوە.
- 02-10-2016