رۆژنیوز - سۆران محەمەد
دوای پەسەندکردنی یاسایی بوجەی ساڵی 2017ی عێراق، بەشێک لە بوجەی فەرمانبەران دەبڕدرێت، ئەندامێکی ئەنجوومەنی نوێنەرانیش دەڵێت: ئەو پارەیەی لە فەرمانبەران دەبڕدرێت دەگەڕێتەوە بۆ ئیدارەی پارێزگاری کەرکووک.
بڕیارە لەم مانگەوە، بڕێک پارە لەسەرجەم فەرمانبەرانی حکومەتی عێراق کەمبکرێتەوە، بە ڕێژەی %3.8 بە پێی بڕیارەکەش سەرجەم فەرمانبەرانی شاری کەرکووک-یش دەگرێتەوە.
فەرهاد قادر ئەندامی ئەنجومەنی نوێنەرانی عێراق لە فراکسێۆنی یەکێتی، بە ڕۆژنیوزی وت: لەم مانگەوە کە بوجەی عێراق خراوەتەوە بواری جێبەجێ کردنەوە، هەر فەرمانبەرێک بە ڕێژی 3.%ی مووچەکەی دەبڕدرێت، هۆکاری بڕینی ئەو بڕە پارەیەش لە موچەی فەرمانبەران بۆ قەیرانی داریی دەگەڕێتەوە".
وتیشی:" ئەو بڕە پاریە کە لە فەرمانبەرانی کەرکووک دەبڕدرێت نزیکەی 20 ملیارد دینارە لەمساڵەدا، ئەویش دەگەڕێتەوە بۆ ئیدارەی پارێزگاری کەرکووک و کەموکورتییە ئەمنییەکانی پێپڕ دەکرێتەوە".
03-01-2017