#ڕووداو# - #هەولێر#
#سەرۆکی هەرێمی کوردستان# #کۆمسیۆنی باڵای هەڵبژاردنەکان#ی بۆ دیاریکردنی وادەی هەڵبژاردنەکانی کوردستان ڕاسپارد و بڕیاردرا هەڵبژاردنەکانی سەرۆکی هەرێمی کوردستان و #پەرلەمانی کوردستان#، لە وادەی خۆیدا (6-11-2017)ئەنجام بدرێن.
رۆژی چوارشەممە #7-6-2017#، لە #سەلاحەدین#، مەسعود بارزانی، سەرۆکی هەرێمی کوردستان لەگەڵ لایەنە سیاسییەکانی ناو پەرلەمان و حکومەتی هەرێمی کوردستان کۆبووەوە.
بەپێی ڕاگەیێندراوێکی سەرۆکایەتی هەرێمی کوردستان لە کۆبوونەوەکەدا بڕیار درا هەڵبژاردنەکانی سەرۆکی هەرێمی کوردستان و پەرلەمانی کوردستان، لە وادەی خۆیدا ئەنجام بدرێن.
هەروەها لە ڕاگەیێدنراوەکەدا ئاماژە بەوەکراوە کە سەرۆکی هەرێمی کوردستان بە مەرسوومێکی هەرێمی، کۆمسیۆنی باڵای هەڵبژاردن و ڕاپرسی لە کوردستانی ڕاسپارد بۆ ئەوەی وادەیەک بۆ هەڵبژاردنەکانی سەرۆکایەتی و پەرلەمانی کوردستان دەستنیشان بکەن.
رۆژی چوارشەممە 7-6-20147، مەسعود بارزانی، سەرۆکی هەرێمی کوردستان بە بەشداریی جێگری سەرۆکی هەرێم، سەرۆکی حکومەتی هەرێمی کوردستان، سەرۆک و جێگری سەرۆکی کۆمسیۆنی باڵای هەڵبژاردن و ڕاپرسی لە کوردستان و بەشێک لەلایەنە سیاسییەکان جگەلە بزووتنەوەی گۆڕان و کۆمەڵ کۆبوونەوە و بڕیاردرا ڕۆژی 25-9-2017 گشپرسی لە باشووری کوردستان ئەنجام بدرێت.