بەشی کوردستان- دادپزیشکیی کوردستان ڕایدەگەیێنێت لە چوار مانگی یەکەمی ساڵی 96دا 125 کەس لە پارێزگای کوردستان بەهۆی #ڕووداوی هاتوچۆ#وە گیانی خۆیان لەدەست داوە و 2 هەزار و 322 کەس برینداربوون.
بەپێی هەواڵی کوردپرێس، لە چوار مانگی یەکەمی ساڵی 96دا بە هۆی ڕووداوی هاتوچۆوەوە 2 هەزار و 322 کەس لە سەنتەرە پزیشکییەکانی دادپزیشیکیدا پشکنینی جەستەیان بۆ کراوە ئەوەش لە حاڵێکدایە ساڵی ڕابردوو ئه و ئامارە هەزار 889 کەس بوون.
بەگوێرەی ڕاپۆرتەکە لە کۆی برینداربووانی ڕووداوی هاتوچۆی 4 مانگی ڕابردوودا هەزار و 668 کەسیان پیاو و 654 کەسیشیان ژن بوون.
هەروەهاش لەم چوار مانگەی ڕابردوودا 4 کەس بەهۆی ڕووداوی کارەوە لە باڵاخانەکانی کوردستاندا گیانی خۆیان لەدەست داوە کە لەچاو ڕێژەی 5 کەسیی ساڵی ڕابردوو داشکانی بووە.
ڕاپۆرتەکە ئەوەشی زیاد کردووە لە کۆی کوژراوانی چوار مانگی یەکەم بەهۆی ڕووداوی هاتوچۆوەوە 107 کەسیان پیاو و 18 کەسیشیان ژن بوون.[1]
31-08-2017