پۆلیسی سلێمانی ئاماری کارو چالاکییەکانی مانگی ئابی ڕابردووی بەڕێوەبەرایەتییەکەی بڵاوکردەوە و ڕایگەیاند، له و مانگەدا دەستبەسەر 27 ئۆتۆمبێلدا گیراوە و شەش کەسیش لەسەر تەقە کردن دەستگیرکراون.
لە ڕاگەیەندراوێکی بەڕێوەبەرایەتی پۆلیسی پارێزگای سلێمانیدا کە وێنەیەکی بۆ وێستگە نیوز نێردراوە، تیایدا هاتووە: لە مانگی ئابی ڕابردوودا مەفرەزەکانی پۆلیس بە هانای 458 کەسەوە چوون.
دەشڵێت: هەر له و مانگەدا گەیاندنی کەسانی نەخۆش بەنەخۆشخانە، یەک حاڵەت تۆمارکراوە، تەقەکەری دەستگیرکراو شەش حاڵەت تۆمارکراوە، 11 حاڵەتی ئاگر کەوتنەوە ڕوویداوە و ڕادەستکردنی منداڵی دۆزراوە بەهۆبەی نەوجەوانان چوار حاڵەت تۆمارکراوە.
ئەوەشی وتووە: دەستگیرکردنی دەرۆزەکەر دوو حاڵەت تۆمارکراوە، دەستبەسەرداگرتنی ماتۆڕسکیل چوار حاڵەت تۆمارکراوە، دەستبەسەرداگرتنی ئۆتۆمبێل 27 حاڵەت تۆمارکراوە، دەستبەسەرداگرنی چەک لە جۆری کڵاشینکۆف سێ حاڵەت تۆمارکراوە.
لە ڕاگەیەندراوەکەدا ئەوەش هاتووە: هەر له و مانگەدا دەستبەسەر 11 دەمانچەدا گیراوە، هەشت کەس دەستگیرکراون، هەروەک پێنج بریندار بە نەخۆشخانە گەیەندراوە و لەگەڵ لیژنەی ئەمنی و دەزگا ئەمنییەکانی دیکەدا 102 چالاکی تۆمارکراوە.
هەر لە ئامارەکەی پۆلیسی سلێمانیدا هاتووە: هەوڵدان بۆ خۆکوشتن لە ڕەگەزی مێ یەک حاڵەت تۆمارکراوە و
دەستبەسەرداگرتنی ئامێری هەڵکەندی بیری نایاسایی دوو حاڵەت تۆمارکراوە.[1]
07-09-2017