بەمەبەستی جێبەجێکردنی فەرمانی دیوانی سەرۆکایەتی ئەنجوومەنی وەزیران ژمارە(137) ساڵی 2017 کە بەڕێز سەرۆکی ئەنجوومەنی وەزیران دکتۆر حەیدەر عەبادی لێژنەیەکی باڵای به و فەرمانە دروستکرد بۆ چارەسەرکردنی کێشە هونەرییەکان لەگەڵ هەرێمی کوردستان تایبەت بە دەروازە سنوورییەکان و فڕۆکەخانەکان وە بەڕێوەبردنی بەنداوەکان بۆ ئه و مەبەستە سەر لەبەیانی ڕۆژی شەممە ڕێککەوتی 13-01-2018، وەفدێک لە حکومەتی هەرێمی کوردستان بەسەرۆکایەتی بەڕێز #کەریم سنجاری# (وەزیری ناوخۆی هەرێم) سەردانی بەغدای کرد.
بەڕێز قاسم ئەلئەعرەجی، وەزیری ناوخۆی عێراق، لەکەشێکی دۆستانەدا سەرپەرشتی کۆبوونەوەیەکی گرنگی کرد لەنێوان شاندی هەرێم و لێژنەی باڵا بەسەرۆکایەتی ئەمینداری گشتی ئەنجوومەنی وەزیران، لەسەرەتای کۆبوونەوەکەدا بەڕێز وەزیری ناوخۆ تەئکیدی کردەوە لەسەر گرنگی بەستنی ئەم جۆرە کۆبوونەوانە و وە بەخێرهاتنی شاندی هەرێمی کوردستانی کرد و سڵاوی سەرۆکایەتی ئەنجوومەنی وەزیرانی بەشاندی هەرێم ڕاگەیاند، لەگەڵ دووبارەکردنەوەی گرنگی تاوتوێکردنی ئه و کێشانە کە لەبواری دەروازە سنوورییەکان و گومرگ و فڕۆکەخانەکان، وە بەڕێوەبردنی بەنداوەکاندا لەسەر بنەمای پابەندبوون بە دەستوور و یاسا فیدڕالییەکان.
هەروەها پێداگرتنی بەڕێز سەرۆکی ئەنجوومەنی وەزیران لەسەر چارەسەرکردنی ئەم دۆسیانە و گێڕانەوەی چالاکییەکان بۆ ئه و دامودەزگا و دامەزراوانە.
لەلای خۆیەوە بەڕێز کەریم سنجاری سوپاس و پێزانینی خۆی پێڕاگەیاندن بۆ ئه و دەستپێِشخەریەی سەرۆکی ئەنجوومەنی وەزیران سەبارەت بە چارسەرەکردنی ئه و دۆسیە هەڵپەسێردراوانه و به و شێوەی کە خزمەتی تەواوی عێراق بکات و چارەسەری ئه و کێشانە بکات کە ڕوویداوە لە هەرێمی کوردستان.
#13-01-2018#
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
این مقاله 3,685 بار مشاهده شده است
نظر خود را در مورد این مقاله بنویسید!