ئێوارەی ئەمڕۆ دووشەممە 15-1-2018 بەڕێز #نێچیرڤان بارزانی# سەرۆک وەزیرانی هەرێمی کوردستان بە ئامادەبوونی بەڕێز #قوباد تاڵەبانی# جێگری سەرۆک وەزیران، لەگەڵ شاندی سەرکردایەتیی #یەکگرتووی ئیسلامیی کوردستان# بە سەرۆکایەتیی بەڕێز هادی عەلی، سەرۆکی ئەنجومەنی سیاسیی یەکگرتوو کۆبووەوە.
لە کۆبوونەوەکەدا پێداچوونەوە بە یاداشتنامەی یەکگرتووی ئیسلامیی کوردستان کرا کە پێشتر پێشکەش بە سەرۆکایەتیی حکوومەتی هەرێمی کوردستان کرابوو و خرایە بەر گفتوگۆ و گرنگیی خاڵەکانی نێو یاداشتنامەکە دووپات کرایەوه.
ئاماژە بەوەش کرا وەک حکوومەت و ئه و لایەنە سیاسییانەی بەشدارن لە کابینەی حکوومەتی هەرێمی کوردستاندا، پەرۆشیی ئاساییکردنەوەی بارودۆخ و نەهێشتنی ئه و قەیرانانەن کە ڕووبەڕووی هەرێمی کوردستان بوونەتەوە و لەمباریەوە هەردوولا جەختیان لەوە کردەوە کە هەموو هەوڵ و تواناکانیان بخەنە گەڕ تا بارودۆخەکە لە هەموو ڕوویەکەوە بەره و باشتر بەرن.
هەردوولا بڕیاریان دا بە مەبەستی گەیشتن بە ئامانجی هاوبەش، کۆبوونەوەی هاوشێوە بەردەوام بن.
#15-01-2018#
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
این مقاله 5,277 بار مشاهده شده است
نظر خود را در مورد این مقاله بنویسید!