محەمەد سالار (پاشا)
1. جینۆساید و ئەنفال
- جینۆساید وشەیەکی یۆنانی – لاتینیە، ووشەی (جینۆ) بەمانای (رەگەز) و ووشەی (ساید) بەمانای کوشتار دێت.
- ئەنفال ووشەیەکی عەرەبیە و بەمانای غەنیمەت (دەسکەوتی جەنگ) دێت.
2. بارزان و گەرمیان
- بارزان لەبنەمادا گوندە و بارزانییەکان لەرابردوو بەشێک بون لەعەشیرەتی زێبارییەکان و لەسەرەتای سەدەی نۆزدەهەم بەهۆی پێکهێنانی فیدراسیۆنێکی عەشایەری لەمەشیخەتێکی ئاینی بونەتە ڕەوتێکی سیاسی.
- گەرمیان ناوچەیەکی جوگرافییە بەواتای وڵاتی گەرم دێت، مەبەست لێی ناوچەکانی چەمچەماڵ و سەنگاو و کەرکووک و دوزخورماتوو، هەروەها کەلار و کفری و خانەقین و جەلەولا و مەندەلی و بەدرە و جەسانە.
3. جیاوازی
- لەئەساسدا پرۆسەی ئەنفالیش هەر جینۆسایدە (کۆمەڵکوژییە)، جیاوزی نێوانیان لەکاتی ڕودان و جۆری ڕوداوەکە و ناوی ڕوداوەکەیە.
4. جینۆساید (کۆمەڵکوژی)
- کۆمەڵکوژی بریتیە لەو کارانەی بەمەبەستی تێکدان و هەڵتەکاندنی گشتی یان بەش بەش ئەنجام دەدرێن دژ بەکۆمەڵێکی نەتەوەیی ئەتنیکی یان ئاینی... هتد.
5. تاریف
- مەبەست لەجینۆسایدی بارزانیەکان کۆمەڵکوژی چینێکی تایبەتی کۆمەڵگەیە بەناوی بارزانیەکان لەکاتێکی دیاریکراو بەهۆکارێکی دیاریکراو.
- مەبەست لەئەنفال پرۆسەی کۆمەڵکوژی کوردە بە (هەشت) قۆناغ.
6. کات
- بارزانیەکان لەساڵی (1983ز) جینۆساید کراون.
- گەرمیانیەکان لەساڵی (1988ز) ئەنفال کراون.
7. حکومەتی عێراقی
- هەردوو کۆمەڵکوژی لەلایەن ڕژێمی بەعس بەسەرۆکایەتی (سەدام حسێن) ئەنجامدرا.
8. دۆخی عێراق
- لەکاتی ئەنجامدانی هەردوو کۆمەڵکوژی دەوڵەتی عێراق لەجەنگدا بوو لەگەڵ کۆماری ئیسلامی ئێران.
9. شۆرشی کورد
- لەکاتی ئەنجامدانی جینۆسایدی بارزانیەکان نێوانی حیزبە کوردییەکان زۆر خراپ بوو.
- لەکاتی ئەنجامدانی شاڵاوی ئەنفال (7) پارتی کوردی بەرەیەکیان بەناوی بەرەی کوردستانی پێکهێنابوو.
10. قۆناغ
- جینۆسایدی بارزانییەکان بەچەند قۆناغێک بوو:
أ‌- قۆناغی یەکەم: لە (31ی تەموزی 1983ز) دەست پێ دەکات و کۆمەڵگە زۆرەملێیەکانی (قودس و قادسیە)ی لەناحیەی قوشتەپە گرتەوە.
ب‌- قۆناغی دوەم: لە (10ی ئابی 1983ز) دەست پێ دەکات وئۆردوگاکانی (بەحرکە، هەریر، دیانا)ی گرتەوە.
ت‌- قۆناغی سێێەم: لە (11ی ئابی 1983ز) دوبارە سەرجەم ئۆردوگاکان پشکنرانەوە بۆ دەستگیرکردنی ئەو بارزانیانەی کەلەشاڵاوی پێشوو دەستگیرنەکرابون.
- ئەنفالی گەرمیانیەکان بە(8) قۆناغ بوو، قۆناغی سێیەم ناوچەی گەرمیانی گرتەوە کەکاولترین و فراوانترین شاڵاو بوو.بەم چەشنە:
أ‌- لە (7ی نیسانی 1988ز) پەلاماری دوزخورماتوو درا.
ب‌- لە (9ی نیسانی 1988ز) پەلاماری قادر کەرەم و باکوری گەرمیان درا.
ت‌- لە (12ی نیسانی 1988ز) پەلاماری سەنگاو و باشوری گەرمیان درا.
11. هۆکاری ڕژێم
- بەپێێ لێدوانی ڕژێم هۆکاری سەرەکی جینۆسایدی بارزانییەکان هاوکاری نێوانی پارتی دیموکراتی کوردستان و ئێران بوو.
- هۆکاری سەرەکی شاڵاوەکانی ئەنفال قڕکردنی کورد و کۆتایهێنان بوو بەشۆرشی کورد.
12. جۆری قوربانیەکان
- جینۆسایدی بارزانیەکان تەنها ڕەگەزی (نێرینە)ی گرتەوە.
- ئەنفالی گەرمیانیەکان هەردوو ڕەگەزی لەبچوکەوە بۆ گەورەوە گرتەوە.
13. ژمارەی قوربانییەکان
- ژمارەی قوربانییەکانی جینۆسایدی بارزانیەکان (8000 هەشت هەزار) هاوڵاتی بون.
- ژمارەی قوربانییەکانی ئەنفالی گەرمیانیەکان (40000 چل هەزار) خێزان بون.
14. سەرپەرشتی
- جینۆسایدی بارزانییەکان لەلایەن (فازل بەراک) و (وەتبان تکریتی) سەرپەرشتی دەکرا.
- ئەنفالی گەرمیانیەکان لەلایەن (عەلی حەسەن مەجید) سەرپەرشتی دەکرا.
15. بەرپرس
- لەجینۆسایدی بارزانیەکان (36 کەس) لەبنەماڵەی بارزانی لەدادگاییەکدا لەسێدارە دران.
- لەئەنفالی گەرمیانیەکان کەسی یەکەمی حیزبەکانی تێدا نەبوو.
16. دادگای باڵای تاوانەکان
- هەردوو تاوان لەلایەن دادگای باڵای تاوانەکانی عێراق بە (جینۆساید) یەکلا کراونەتەوە.
17. گوند و ئۆردوگا
- جینۆسایدی بارزانیەکان تەنها ئۆردوگاکانی گرتەوە چونکە لەئەساسدا بارزانیەکان نیشتەجێی ئۆردوگاکان کرابون.
- ئەنفالی بارزانیەکان گوند و شارەدێ و شارۆچکەکانی گرتەوە.