دواڕۆژ، کاروان گەرمیانی
ئەوە بڕە هاوکارییەی لە لایەن وەزیری کۆچ و کۆچبەرانی عێراقەوە بۆ کوردانی #خورماتوو# خەرجکرا، تا ئێستا دابەشنەکراوە، چونکە تورکمانەکانی ناوچەکە ڕێگریان کردووە و داوادەکەن ئه و هاوکارییە ئەوانیش بگرێتەوە.
سەردار ئەحمەد ئەندامی ئەنجوومەنی قەزای خورماتوو بە دواڕۆژی ڕاگەیاند، ئه و بڕە هاوکارییەی بۆ کوردەکانی خورماتوو نێردرابوو، هەرچەندە بڕیاربوو دابهشبکرێت، بەڵام بەهۆی فشاری تورکمانەکانی ناوچەکە دابەشنەکراوە و هاوکات پارەکەش لە قایمقامیەتی شارەکە دەرهێنراوە و ئێستا لە ژێر دەستی هێزەکانی بەرپەرچدانەوەی خێرادایە.
وتیشی تورکمانەکانی خورماتوو داوایانکردووە، وەکو کوردەکان ئەوانیش هاوکاری بکرێن چونکە لە ڕووداوەکانی 2015 و 2016 زیانی زۆریان بەرکەوتووە و بۆ ئه و مەبەستەش 241 مامەڵەیەیان پێشکەش کردووە.
ئه و ئەندامەی ئەنجوومەن ئاماژەی بەوەشکرد، هاوکارییەکە برتییە لە 541 ملیۆن دینار بۆ 251 خێزانی کورد لە خورماتوو کە لە دوای ڕووداوەکانی 16ی ئۆکتۆبەرەوە خانوو و دوکانیان سوتێندراون.[1]
#21-05-2018#