بەناوی پەروەردگاری بەخشندە و میهرەبانەوە
ئەی گەلی عێراقی دلێر
سڵاوی خوداتان لێ بێت
بەبۆنەی هاتنەوەی جەژنی پیرۆزی ڕەمەزانەوە کە ماڵئاوایی دەکەین لە مانگی بەزەیی و لێبوردن، مانگی ڕەمەزانی بەڕێز، گەرمترین پرۆزبایی پێشکەش دەکەم بە ڕۆڵەکانی گەلی عێراقمان بە هەمو پێکهاتەکانییانەوە و تەواوی موسڵمانان لە جیهاندا، داوا لە پەروەردگاری مەزن دەکەم ڕۆژوەکانتان قبوڵ بکات و ڕۆژەکانتان بکاتە جەژن و بێوەیی و سەلامەتیی، هاوکات لە سایەی گەورەیی خۆیەوە ڕۆژە پیرۆزەکانمان بکاتە دەسپێکێکی مەزن و سەرتاسەریی بۆ بەهێزکردنی هەنگاوەکانمان لە بەرەوپێشچونی پێکەوە بەرەو بنیاتنانی ئایندەیەکی ئۆقرە و تاوسەندو بۆ گەلەکەمان لەسەر بناغەی هاوکاریی و لێتێگەیشتن و کاری بنیاتنەری هاوبەش.
ئەم بۆنە پیرۆزە بەدەرفەت دەزانم کە بەوپەڕی هەستی پێزانینەوە سڵاو و پێزانینیم پێشکەش بکەم بە قارەمانە نەبەزەکانمان لە ڕۆڵەکانی هێزە چەکدارەکانمان بە هەمو ڕیز و پێکهاتەکانیانەوە لە بەرامبەر ئەو سەرکەوتنە مەزنانەیان کە بەدەستیان هێناوە بەسەر تێرۆردا، قوربانیی زۆر و زەوەندیان پێشکەشکردوە و داستانی قارەمانیەتییان تۆمار کردوە لە جەنگی پیرۆزی گەلەکەمان دژی پاشماوەکانی تێرۆر، هەر بەم بۆنە پیرۆزەوە سڵاوم بۆ خانەوادەی بەڕێزی شەهیدان کە ئەوان و ئێمەش هەمومان شانازیی دەکەین کە ڕۆڵەکانیان سەروماڵیان بەخت کردوە لەپێناوی سەربەرزیی و ئازادییدا، داوای سۆز و بەزەیی یەزدان دەکەین بۆ شەهیدان و چاکبونەوەش بۆ بریندارە قارەمانەکان.. هاوسۆزیی دەردەبڕم بۆ ئەو خێزانانەی کە تائێستاش بە دەست سەختییەکانی ئاوارەبونەوە دەناڵێنن، نزا و هەوڵ و هەنگاوی هەموان بۆ ئەوەیە کە بەهەمو توانایاکەوە کاربکەین بۆ دەستەبەرکردنی گەڕانەوەی سەربەرزانەو سەلامەتییان بۆ زێد و ماڵو حاڵیان.
گەلەکەمان کە هەلومەرجی نائاسایی و دژواری تێپەڕاند، گەلەکەمان بە تێپەڕاندنی هەلومەرجە نائاسایی و دژوارەکەی ئەم ساڵانەی دوایی ورەیەکی نەگۆڕی سەلماند بۆ بەردەوام بون لە کاروانی بنیاتنانی عێراقی دیموکراسیی مۆدێرن و پابەند بون بە یەکگرتوییەکەی، لێرەوە داوا لە عێراقییەکان دەکەین هەوڵی جدی بخەنە کار لە پێناوی چارەسەرکردنی کێشەکانمان لەرێی لێک تێگەیشتنی زیاتر و دیالۆگی پۆزەتیڤ و وەلانانی دوبەرەکیی و لێکدابڕان و کارکردنی جدیی لە پێناوی پاراستنی ئۆقرەیی سیاسیی و ئاسایش و هەورازخستنی پرەنسیبی هاوڵاتیبون و چارەسەرکردنی هەمو کێشە هەڵپەسێراوەکان بە هەستکردن بە لێپرسراویەتی و دادپەروەریی لەسەر بناغەی دەستور و پابەندبون بە قانونەکان بەو جۆرەی یەکڕیزی نیشتمانیی قوڵ دەکاتەوە و پێشکەوتن بەرەو سەرلە نوێ ئاوەدانکردنەوەی عێراق و پاراستنی مافەکانی لە سودوەرگرتن لە سەرچاوەکانی ئاو بۆ ماوەیەکی درێژ خایەن و بەشێوەیەکی ستراتیژیی و بەهێزکردنی پێگەکەی لەسەر هەردو ئاستی ناوچەکە و جیهان.
پەروەردگار ڕۆژەکانمان بکاتە جەژن و خۆشیی و ئاشتیی و خۆشویستن و هیوا.
جەژنتان پیرۆز و هەمو ساڵێک عێراق و عێراقییەکان و نەتەوەی ئیسلام و هەمو مرۆڤایەتیی هەر لە خۆشیدابن.
#فوئاد مەعسووم#
سەرۆککۆمار
#13-06-2018#