وەزیری تەندروستی حکومەتی هەرێمی کوردستان ئاشکرایدەکات، لە هەفتەی داهاتوودا وەزارەتی تەندروستی بە بڕی 10 ملیۆن دۆلار دەرمان بۆ نەخۆشییەکانی شێرپەنجە دەکڕێت.
رێکەوت حەمەڕەشید، وەزیری تەندروستی حکومەتی هەرێمی کوردستان لە پەیجی تایبەتی خۆی ئەمڕۆ چوارشەممە 5ی ئەیلول ڕایگەیاندوە، لەهەفتەی داهاتووەوە بەبڕی زیاتر لە 10 ملیۆن دۆلار وەزارەتی تەندروستی لەڕێگەی سندوقی کۆمەک بەنەخۆشییەکانی شێرپەنجە دەرمان بۆ نەخۆشەکانی شێرپەنجە دەکڕێت لەهەموو هەرێمی کوردستاندا.
ئەوەشی خستۆتەڕوو، کڕینی دەرمان بۆ نەخۆشی شێرپەنجە بەپڕۆسەیەکی تەندەرین و یاساییدا ڕۆیشتوە کە 3 مانگی خایاندوە، ئێستاش لەقۆناغی کۆتاییدایە.
ماوەی چەند هەفتەیەکە دەرمانی شێرپەنجە لە نەخۆشخانەکانی تایبەت بە شێرپەنجە لە هەرێمی کوردستان کەمیکردوە.[1]
#05-09-2018#