بەگوێرەی ڕاپۆرتێک کە لەلایەن پارتی گەلی کۆماری جەهەپە ئامادەکراوە، لە ماوەی 10 ساڵدا لە تورکیا 500 هەزار منداڵ بەزۆر هاوسەرگیرییان پێکراوە.
ئوتکو چاکر ئۆزەر، پەرلەمانتاری جەهەپە لە بازنەی ئەسکیشەهیر لە ژێر ناونیشانی (پلانی چالاکی 100 ڕۆژی حکومەت و ژن) ڕاپۆرتێکی بڵاوکردووەتەوە و لە ڕاپۆرتەکەدا ئاماژە بەوەدراوە، لە هەر چوار ژنی خوێندەوار و گەنج یەکێکیان بێکارە و ڕێژەی بێکاری لە شارەکاندا گەیشتووەتە 30% و ئەوانەش کە کار دەکەن ڕیژەیەکەیان بە بەراورد بە پیاو کەمە. ئاماژە بەوەشدراوە 29%ی کرێکارەکان ژنن.
بەگوێرەی ڕاپۆرتەکە، لە 8 مانگی یەکەمی ئەمساڵ 198 ژن لە تورکیا کوژراون و لە ماوەی 10 ساڵیشدا 500 هەزار منداڵ بەزۆر هاسەرگیرییان پێکراوە و لە 6 ساڵی ڕابردووشدا 142 هەزار و 28 منداڵی کچ بوونە بە دایک.
لە ڕاپۆرتەکەدا هاتووە لە 8 مانگی یەکەمی ئەمساڵ 198 ژن کوژراون و لە 6 مانگی یەکەمیش 32 ژن دەستدرێژی سیکسیان کراوەتەسەر و 102 ژن گێچەڵی سێکسییان پێکراوە و 189 منداڵی کچ، دەستدرێژییان کراوەتەسەر.[1]
#09-09-2018#
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
این مقاله 3,263 بار مشاهده شده است
نظر خود را در مورد این مقاله بنویسید!