بسم الله الرحمن الرحم
راگەیاندراوێک لە ئەنجوومەنی جێبەجێکردنی یەکگرتووی ئیسلامی کوردستانەوە
ئەمرۆ دووشەمە 1/10/2018 ئەنجومەنی جێبەجێکردن بە سەرپەرشتی بەرێز جەنابی مامۆستا صلاح الدین محمد بهاءالدین ئەمینداری گشتی یەکگرتووی ئیسلامی کوردستان کۆبوونەوەیەکی نا ئاسایی گرێدا بۆ هەڵوەستە کردن لەسەر دەرنجامە بەراییە ڕاگەیاندراوەکانی هەڵبژاردنی پەرلەمانی کوردستان کە لە ڕۆژی 30/9 دا ئەنجام درا.
سەرەتا کۆبونەوە سوپاس و پێزانینی خۆی ئاراستەی ڕێکخستنەکانی یەکگرتووی ئیسلامی کوردستان و کاندیدە ماندونەناسەکانی لیستی بەرەو ئیصلاح ژمارە 119 کرد بۆ هەوڵ و ماندوبونە بێ درێغیەکانیان لە چەند مانگی ڕابردوو دا و لە ماوەی هەڵمەتی بانگەشەی هەڵبژاردنەکاندا بەرزنرخاند کە شەو ڕۆژیان خستبوە سەریەک بۆ سەرخستنی لیستی بەرەو ئیێلاح و پرۆسەی هەڵبژاردنەکان هەروەک سوپاس و پێزانینی ئاراستەی جەماوەری کوردستان بەگشتی و کۆمسیۆنی باڵای سەربەخۆی هەڵبژاردن و ڕاپرسی هەرێمی کوردستان کرد بۆ بە دەمەوە چونی پرۆسەی دەنگدان و بەرنامەرێژی بۆ ئەنجامدانی هەڵبژاردنێکی سەرکەوتو و گونجاو لەگەڵ ستانداردە جیهانی و نێودەوڵەتیەکاندا.
لە تەوەرەیەکی تردا کۆبونەوەکە هەڵوەستەی لەسەر دەرەنجامە چاوەرواننەکراوەکانی لیستی بەرەو ئیصلاح کرد و سەرەرای هەبوونی چەندین پێشێلکاری لایەنە دەسەڵاتدارەکان بۆ ساختەکاری و زیادکردنی نایاسایی ڕێژەی دەنگدان لە بەرژەوەندی خۆیان، کۆبونەوە ڕایگەیاند کە دەرەنجامەکانی لیستی بەرەو ئیصلاح لە ئاست هەوڵ و ماندوبونی ڕێکخستنەکان و کاندیدەکان و چاوەروانی جەماوەری کوردستاندا نیە و لەو بارەیەوە کۆبونەوە ئامادەیی تەواوی سەرکردایەتی یەکگرتووی پیشاندا بۆ هەلًگرتنی بەرپرسیارێتی و ڕێگا خۆشکردن بۆ دەستنیشانکردنی هۆکارە زاتی و بابەتیەکان و بەخۆداچونەوە و وەرگرتنی بریاری پێویست بۆ تێپەراندنی ئەم دەرەنجامە نەخوازراوەو هەروەها بۆ ئەم مەبەستە بە زوترین کات سەرکردایەتی یەکگرتووکۆونەوەیەکی تایبەت ساز دەکات بە مەبەستی بەرنامەدانان بۆ کۆبونەوەی گشتی و ئەنجامدانی هەر گۆرانکاریەکی پێویست بۆ چارەسەرکردنی دەرهاویشتە نەخوازراوەکانی ئەم ئەنجامە چاوەرواننەکراوە هاوکات بەلێن بۆجەماوەر و ڕێکخستنەکانی یەکگرتوو دوپات دەکەینەوە کە بە ستراتیژ و بە دانانی پلان و بەرنامەی پێویست بە گورو تین و تەوژمی پر لە هیواوە خەبات دەکەین و خۆمان بۆ قۆناغی داهاتوو ئامادەدەکەین
ئەنجوومەنی جێبەجێکردن
یەکگرتووی ئیسلامی کوردستان
#01-10-2018#