لە زاری خۆیەوە:
ئەمن محەمەد سەعید نەجاڕی کوڕی مەلا حەمە شەریفی سەرەوقامیش کە لە ڕۆژهەڵاتی شاری #بۆکان# لەسەر چۆمی جەڕەتووهەڵکەوتوو.
ساڵی 1335ی هەتاوی بەرانبەر بە ساڵی 1957زاینی لەو ئاواییە لەدایکبووم، .
شەش ساڵ دواتر واتا ساڵی 1341 لە هەمان ئاوایی چوومەتە قوتابخانە تا پۆلی پێنجەم، لەوێ خوێندوومە و بۆ درێژەدان بە خوێندن چوومەتە #سەقز#، لەوێ بڕوانامەی پۆلی شەشەمی سەرەتاییم وەرگرت و گەڕامەوە شاری بۆکان و ماوەی حەوت ساڵی دەبیرستانم لەوێ خوێندووە و دیپڵۆمم وەرگرتووە.
ساڵی 1355 وەک سوپای دانشی خولی 28 بۆ خزمەتی سەربازی لە پادگانی سەرا بووم و پاشان بومەتە مامۆستای قوتابخانە لە شاری بۆکان و ماوەی 30 ساڵ لە دەبیرستان و دیکەی قوتابخانەکانی دێهات و شاری بۆکان وانەم وتۆتەوە و ئێستاش خانەنشین بوومە و دوواین بڕوانامەی خوێندن کە وەرمگرتووە ماستەری ئەدەب لە زانکۆی تەبرێز بووە. [1]