ژنت نی يە خەمت نی يە
پێچەوانەشی هەيە و وتراوە(ژن و ماڵ-يان گوتيە) لە خەڵکی خاوەن کار و دەوڵەمەند گوێم لێ بووە وتويانە(بلۆکێک-خشتێکت هەبوو، خەمێکت زياد بوو) هەڵبەت ژيانی زگورتی-زگورتوو-سەڵتی کۆمەڵێک خاسيەتی باشی هەيە لەوانە وابەستە نەبوون و پابەند نەبوون و لە ئەستۆنەبوونی کەس، ئەمانە تاڕادەيەکی باش ئازادی و سەربەخۆيی دێنێتە کايەوە بۆ کەسی بێ ژن هەروەها کاروباری پەيداکردنی ڕزق و ڕۆژوو و پارە بۆ پڕکردنەوەی پێداويستيەکانی ماڵيشت لەسەر نابێت کەواتە خەمت کەمە تەنها خەمی بێ ژنيتە، هەر بۆيە وەک دەربڕ وتراوە(ژنت نی يە خەمت نی يە) واتە پرتە و بۆڵەی پەيداکردنی پێداويستيەکانی ماڵت لەسەر نی يە جگە لەداب و نەريتە سەمەرەکانی کە ڕۆژانە دروست دەبن و دەبێت جێ بەجێيان بکەيت.