-پشت شۆر-مان نی يە
مرۆڤ کە دەچێتە(سەر شۆر) ەوە(گەرماو-حەمام) قورسترين کاری پشت شوشتن-شۆرين بوو، چونکە گۆشەی سوڕانەوەی دەست کارێکی زۆر ئاستەمە و وەک پێويستيش ناتوانرێت چڵکی پشت پاک و خاوێن بکرێتەوە، بۆيە دايکان هەم پشتی مناڵەکان و هەميش پشتی مێردەکانيان دەشوشت-دەشۆری، تا ئێرە هيچ ناچێتە ناو ئيديۆمی کوردەوارييەوە چونکە کارێکی ئاسايی و ڕێپێدراو بووە لە کۆمەڵی کوردەواريدا، بەڵام ئەوەی بووە بە کينايە و درکە و توانج و مەبەستی گوماندار ئەوەيە پياوی بێگانەی هەژمون بەدەست چ لەشار و چ لەشاخ لەلايەن هەندێ خێزانەوە زۆر ڕێزی لێگيراوە و زياد لە پێويست مەرايی و کوسکێشی و ماستاو و مل پانی بۆ کراوە تا کار گەيشتۆتە ئه و ڕادەی کيژی جاحێڵ و ژنی جوانی خاوەن ماڵ بە تێ ڕاديتی چووە بۆ سەرشۆر و پشتی ئه و پياوە نامەحرەمە هەژموندارەی شوشتوە، هەرچەندە(شەرع)يش دەڵێت(ئەگەر سەگێک لە ژوورێک هاتەدەرەوە و دەمی دەڵێسيەوە و پڕ زار و لێوی ماست بوو، کەچويتە ژوورەوه يەک مەنجەڵ ماستت بينی له و ماستە بخۆ مەرج نی يە ئه و سەگە دەومی تێ هاويشتبێت، بەڵام وتراويشە(مێش هيچ نی يە بەس بەری دڵی پياوی دەگرێت) بۆيە دياردەی پشت شۆرينی نامەحرەم لە سەرشۆری ماڵی خۆت بەتەوس و توانج و پەلاری لاق شکێنەوە کورد وتەنی(بۆنی خوێن و ناموس)ی لێ دێت و دەوترێت بۆيە ئێمە کارمان بۆ ناکرێت چاک دەزانين چونکە(پشت شۆر-مان نی يە) واتە نەرمە گەوادی-مان پێ ناکرێت.
این مقاله بە زبان (کوردیی ناوەڕاست - Central Kurdish) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
این مقاله 360 بار مشاهده شده است
نظر خود را در مورد این مقاله بنویسید!