#نوری بێخالی#
2020
دەزگای پەخش: فام
گێڕانەوە، کە بەسەرکردنەوەی ژیان و بەرهەمی (25) ژنە ڕۆماننووسی جیهانییە. کنە و پشکنینە بە دوای دۆزینەوەی نهێنییەکانی مێینەتی لەناو خەیاڵ و زماندا، بە دیاریکراویش لەناو خەیاڵ و زمانی ژنانەدا.
مێژوو، سیاسەت، ئابووری، ئایین، کۆمەڵناسی، دەروونناسی، زانست، فیکر و فەلسەفە، جوگرافیا، سروشت بە گیاندار و بێگیانییەوە، پێکهاتەی میوزیک، فۆڕمی شێوەکاریی، فۆتۆگراف، مۆنتاژی سینەمایی، تەنانەت هونەری بیناسازیش، هەموو ئەوانە کەرەستەی ڕۆمانن، بەتایبەتی ڕۆمانی مۆدێرن، کە ڕۆماننووس دەتوانێ لە بەرهەمەکەیدا سوودیان لێ وەربگرێت و لە چوارچێوەی زمان و هونەری گێڕانەوە و خەیاڵێکی فراوان و ڕەنگاڵەییدا، لە فۆڕمێکی ئیستاتیکی و هونەریی باڵادا تەوزیفیان بکاتەوە. ڕەنگە هەر ئەوەش بێت وای لە هێنری جێمس کردبێت بڵێت: ئەگەر ڕۆماننووس سوود لە هونەرەکانی فۆتۆگراف و میوزیک و بیناسازیی وەربگرێت، ئەوا ئەم کارە هاوکاریی دەکات لەوەی خودێتیی نووسەر لەناو ڕۆمانەکەیدا تێبپەڕێنێت.