سیناتۆرێکی گەورەی کۆماری دەڵێت ئەگەر تورکیا بچێتەوە ناو سوریا ئەوا دەبێت ڕەجەب تەیب ئەردۆغان سەرۆکی تورکیا باجێکی گەورە بدات.
سیناتۆر لیندزی گراهام ئەمڕۆ چوارشەممە لەسەر تویتەرەکەی نووسیویەتی:
ئەگەر ئەو هەواڵانە ڕاستبن تورکیا چووەتە ناوە باکوری سوریا، ئەوا کارەسات بەڕێوەیە.
نوێژ و نزامان بۆ هاوپەیمانە کوردەکانمان ئەوانەی بەڕێوەبەرایەتی ترامپ بەبێ شەرمانە پشتی لێکردن. ئەم هەنگاوەی تورکیا سەرهەڵدانەوەی #داعش#ی لێدەکەوێتەوە.
لە کۆنگرێس هەوڵ دەدەین بۆ ئەوەی ئەردۆغان باجێکی گەورە بدات.
داوا لە سەرۆک ترامپ دەکەم هەڵوێستی بگوڕێت چونکە هێشتا کات ماوە بۆ گەڕاندنەوە بۆ دامەزراندنی ناوچەی ئارام کە سوودی هەبوو.[1]
#2019-10-08#