بۆ گشت قوتابخانە و پەیمانگا ناحکومیەکان
بابەت داشکاندنی کرێی خوێندن
پاش فەرمانی وەزاری ژمارە 61 لە ڕێکەوتی 11 ی 5 ی 2020، بە گرنگی دەزانین ئاگادارتان بکەینەوە پابەندبن بەم خاڵانە، بەپێچەوانەوە هەر قوتابخانە و پەیمانگایەک سەرپێچی بکات جیا لە سزای دارایی، ڕێگای پێنادرێت بۆساڵی خوێندنی ئایندە قوتابی وەربگرێت:
1 داشکاندنی 10٪ پەیوەندی نیە بەوەی نرخی خوێندنتان چۆن ڕاگەیاندووە لە سەرەتای ساڵەوە، کێبرکێی نرخ، یان هەستکردن بەبەرپرسیارێتی خۆتان وای کردبێت نرخی ئەمساڵتان لە ساڵی ڕابردوو جیاواز بێت یان کەمتر بێت، ئەوە ناگەیەنێت کە ئەم داشکاندنە نەکەن.
2 نابێت بە هیج خانەوادەیەک بوترێت کە منداڵی یەکەم شمولی داشکاندن دەکات و منداڵەکانی دیکەت شمول ناکات، چونکە ئەمە پەیوەندی بە داشکاندنەوە نیە، ئۆفەری ساڵانەی خۆتانەو ناچێتە خانەی داشکاندنەوە.
3 بەهیچ جۆرێک نابێت داوا لە مامۆستایانی ناحکومی بکرێت لەپای داشکاندنی نرخی خوێندن هەمان ڕێژە لە موچەکانیان ببڕدرێت، فەرمانی وەزاری ڕونە کە دەبێت موچەی مامۆستایان وەک خۆیان بدرێت.
4 پارەی نانخواردن و گواستنەوە بۆ سێ مانگی ئاماژە پێکراو بەڕوونی باسی لێوەکراوە، پێویستە وەک خۆی جێبەجێ بکرێت.
بەڕێوبەرایەتیە گشتیەکانی پەروەردە لە پارێزگاکان و بەرێوبەرایەتی خوێندنی ناحکومی لەوەزارەت هەموو سەرپێچیەکان تۆمار دەکات و پاشان ڕێککاری پێویستی لەبارەوە دەگیرێتەبەر، هەر بەڕێزێکیش ڕووبەروی ئەوە بوەوە مافی خۆی پێ نەدرێت دەتوانێت نامە بنێرێت بۆ ئەم ژمارانەی ڤایبر و واتس ئاپ، کە ژووری ئەلیکترۆنی سکاڵای #وەزارەتی پەروەردە#یە.
07505103232
07505106262
07505106363
07505106464
بەڕێوبەرایەتی قوتابخانەو پەیمانگا ناحکومیەکان وەزارەتی پەروەردە
#20-05-2020#