چەند ساڵ بەرۆژوو بوو فتاری بەگوو کردەوە
بەرۆژوو بوون یەکێکە لە بنەماکانی ئاینی ئیسلام و مرۆڤ لەماوەی مانگێکدا بەرۆژوو دەبێت و هەموو ڕۆژێک لە پارشێوە وە تاوەکو نوێژی خۆرئاوابوون و بەربانگ، لە زار و چاو و گوێ و خواردن و خواردنەوە بەدەم پەرستشەوە خۆی دەگرێت، کە ڕۆژووەکەی شکاند و خواردنی خوارد و خواردنەوەی خواردەوە بەعەرەبی دەوترێت(فتار)، ئه و ڕۆژوو بوونە کراوە بەئیدیۆم و بەکیژێک دەوترێت کە تەمەنی گەورە بوو بێت بۆ سەرووی سی ساڵی و تا درەنگ شووی نەکردبێت و نەفس و دەروون و حەزو ئارەزووی خۆی خەفەکردبێت و خۆی ئاودامێن داپۆشتبێت و ئابڕوو و کەسایەتی پارێزتبێت و دواجار شوو بە گودەڵە و بودەڵە و بستەپیاو و گزگل و بۆرە پیاو و ناپیاوێک بکات بەتەوەسەوە دەوترێت(چەند ساڵ بەرۆژوو بوو، فتاری بەگوو کردەوە) لەهەشتاکانی سەدەی ڕابردوو دوو شوان لە کەناری زێی بچووک باسی کچێکی قەیرەیان دەکرد و دەیانگوت(تەمەشای سی ساڵ لە بن پەڕۆی نا تازە تەسلیمی پیاوێکی دوو ژنەی دەکات). [1]
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
این مقاله 734 بار مشاهده شده است
نظر خود را در مورد این مقاله بنویسید!