ڕێبوار به خەوتن، بە جێماوە لە کاروان
رێبوار، ئه و کەسەی بەڕێگایاندا گوزەر دەکات، مەبەستێکیشی هەیە بۆ خوێندنە، کارە، کاسبیە، ژنخواستنە..تاد، کاروانیش کۆمەڵێک خەڵک چ بازرگان بن یان کاسبکار و خەڵکی ئاوایی و شوێنێک بەمەبەستی فرۆشتنی کەل وپەکانیان بەپشتی ووڵاغەکانیان دەچنە بازاڕێک، مەڵبەندی شارێک چ دوور چ نزیک، دوای فرۆشتنی ئه و کەل و پەلانە پێداویستیەکانی خۆیان و ماڵ و منداڵیان دەکڕن لە خۆراک و پۆشاک و کەولوپەلی پێویست، ئینجا دووبارە بەکاروانەکەی خۆیان و بە ڕێگاکەیاندا دەگەڕێنەوە دێ و شار وشوێنی خۆیان، کاروان سەرکاروانی هەیە و دەم و کاتی ڕۆیشتن و گەڕانەوەیان دیاری دەکات و پشوودان و حەوانەوە و بارخستنیان ئاماژەپێ دەکات، ئەگەر ڕێبوارێک لەبەر دزوجەردە و ڕێگران بیەوێت لەگەڵ کاروان و قەتارچیان بێت، دەبێت لەگەڵ گزنکی خۆرهەڵاتن ئامادە بێت، خۆ ئەگەر خەوی لێ کەوتبێت لەکاتی جولانی کاروانەکە، ئەوا بەدڵنیاییەوە لەکاروانەکە بەجێ دەمێنێ و تەنیا دەمێنێتەوە، لایەنی ڕاستەقینەی بابەتەکە بووە بە ئیدیۆم و گوزارشت بۆ ئه و کەسانەی کە خەمخۆری کاروباری خۆیان نین و خەمساردی و فسخاوی لێ دەکەن هەموو ئەوانە لەکاروانی کاروکاسبی و پێشکەوتنی دەوروبەریان ومرۆڤایەتی بەدوا دەکەون بۆیە دەوترێت(ڕێبوار به خەوتن، بە جێماوە لە کاروان).[1]
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
این مقاله 841 بار مشاهده شده است
نظر خود را در مورد این مقاله بنویسید!