سەرچۆپی بدە دەست گامێشێ، بۆلای کادینێ دەیکێشێ
لەناوچەی پشدەرێ لەباشوری کوردستان ئه و ئیدیۆمە بەکاردەهێنرێت، دیارە خۆراک وئالیکی گامێش جگە لەخۆراکی ناو زەلکاو و کەناراوی گۆماوەکان، کا و ئەرفیشی پێ دەدرێت لەناو هۆر و گەورەکاندا، هاوشێوەی ئه و ئیدیۆمەش هەیە کەدەڵێت(گۆشتی بەپشیلەی دابەش بکەیت یان بەزی بدەیتە دەست کتکی) واتە هەر کەسه و چی پێ خۆش بێت یان بەرژەوەندی لەچیدا بێت ئه و کارە دەکات، هەڵبەت ئەمەش بووە بە ئیدیۆم و بەکەسێکی بەرژەوەندخوازی چڵێس دەوترێت کە بۆ هەر شتێک کە بیەوێت ئەنجامی بدات تەنیا بەرژەوەندی خۆی لەبیر بێت دەوترێت(سەرچۆپی بدە دەست گامێشێ، بۆلای کادینێ دەیکێشێ).[1]