وەکو هەمووان ئاگادارن بارودۆخی ژیان و گوزەرانی خەڵک بەهۆی بڵاوبوونەوەی پەتای کۆرۆناو ئاکامە زیانبارەکانی ڕوبەڕوی سەختی و دژواری بوەتەوە، هاوکات بەهۆی بێبایەخ سەیرکردن و بێدەربەستیی حکومەتی هەرێم بەرامبەر بە ژیانی و سەلامەتی هاوڵاتیان بەگشتی و ئەو هاوڵاتیانەی کە سەرچاوەی ژیانیان لەرێگای کاری ڕۆژانەیانەوە دەستەبەردەکەن، لەلایەکەوەو لەلایەکی دیکەوە بەهۆی ئەوەی حکومەتی هەرێم دەیەوێ ئاکامە زیانبارە ئابوریەکانی قەیرانی کۆرۆنا بەسەر شانی خەڵکی کرێکار و هەژارو کەمدەرامەتدا بشکێنێتەوە، ئەو بارودۆخە هەرچی زیاتر خراپترو بگرە کارەساتباتر دەبێت.
ئەگەرچی هەمیشە گۆڕانکاری لە ژیان و گوزەران و بگرە مافەکانی هاوڵاتیاندا بەرهەمی خەباتی جەماوەری و شۆڕشگێڕانەیان بووە کە دەسەڵاتدارانی ناچار بە جێبەجێکردنیان کردوە، بەڵام لە هەلومەرجی ئێستادا ئەم ڕاستیە لە هەمووکاتێک زیاتر ڕاستودروستی خۆی دەسەلمێنێتەوەو بانگەوازمان دەکات بۆئەوەی کە بۆ باشترکردنی ژیان و گوزەران و بەدەستهێنانی مافەکانمان، زیاتر دەست لەناودەستی یەکتر بنێین و پێکەوە هەنگاوبنێین.
ئێمە کۆمەڵێک لە خەڵکی گەڕەکەکانی (مەجیدبەگ و کارێزەووشک و کانی کوردە) لەسۆنگەی هەستکردنمان بە بەرپرسیارێتی مرۆیی بەرامبەر بەیەکترو پتەوکردنی گیانی مرۆڤدۆستی و هاوکاری و هاوپشتی لەنێوان خەڵک و بەشداریکردن لە خۆشی و ناوخۆشیەکانی یەکتردا دەستمان بردوە بۆ دروستکردنی تۆڕی هاوکاری و هاوپشتی کۆمەڵایەتی لە گەڕەکەکانی (مەجیدبەگ و کارێزەووشک و کانی کوردە). ئێمە پێمانوایە کە کاری پێکەوەیی و خەمخۆری و دڵسۆزی نێوان خەڵکی هەژارو کەمدەرامەت و مرۆڤدۆست دەتوانێ باری سەختی ئەم کارەساتەی ڕوبەڕومان دەکرێتەوە، کەم بکەینەوەو بەسەر سەختیەکاندا سەربکەوین. ئێمە بانگەوازی سەرجەم مرۆڤە دڵسۆزو مرۆڤدۆست و خەباتکار و تێکۆشەرەکان دەکەین، کە لەگەڵمان بن و پێمانەوە پەیوەست بن تا پێکەوە بتوانین ژیانی خۆمان بگۆڕین و مرۆڤدۆستی و هاوکاری و بەهاناوەهاتنی یەکتر بکەین بە کەلتوری کۆمەڵایەتی و پەیوەندی نێوان مرۆڤەکان...
بۆ پەیوەندیگرتن بە تۆڕی هاوکاری و هاوپشتی کۆمەڵایەتی (مەجیدبەگ و کارێزەووشک و کانی کوردە) پەیوەندی بکەن بەم ژمارە تەلەفۆنانەوە:
دڵشاد حامید ڕەشید 07501529800
ئاسۆ ئیبراهیم کەریم 07518601747
هاوژین عەبدولستار 07701461555
لاڤین سەردار
07706956505
هاوژین ئەحمەد
07501130986
مەحمود حەلاق
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!