پێناسی کتێب: بۆ ئەوانەی وەکو خۆمن
کتێبی یەکەم
نووسەر: قانع خورشید
مرۆڤی تینو نابێت بچێتە ناو ئاوەوە، بەڵکو بۆ ئەوەی تینوێتی بشکێت، دەبێت ئاو بچێتە ناو ئەوەوە، پەرداخێک ئاو بچێتە ناو گەروویەوە باشترە لەوەی ئەو بچێتە ناو ڕووبارێک ئاوەوە.
ئێمە دەپرسین: بۆچی خەڵکی (یدخلون في دين الله أفواجا) بەلێشاو دەچنە ناو ئایینی خواوە و کەسیشیان ناگۆڕێن؟
وەڵام سادەیە، ئایین ئاوە، مەرج نییە بچیتە ناوی، مەرجی کاریگەربوونی ئایین ئەوەیە گەروتی بۆ بکەیتەوە و دەرگای دڵتی بۆ بخەیتە سەر پشت.
ئەگەر لە خاوەنی دین بپرسین بۆچی دینەکەت کەسمانی نەگۆڕی؟
پێمان دەفەرموێت: ئاخر (لما یدخلون الایمان فی قلوبکم) هێشتا ئیمان نەچووەتەوە دڵتانەوە.
کێ هەیە مرۆڤێکم پێشان بدات قومێک ئاوی خواردبێتەوە و وەک خۆی مابێت؟!