ناوی پەڕتووک: چۆن دڵتەنگ بم کە تۆ خودامی
نوسینی: عبدالرحمن إبراهيم صفر
وەرگێڕانی: ئاودێر ئەحمەد قەمتەرانی
چاپ: ناوەندی ڕێنوێن
ژمارەی چاپ: یەکەم
ساڵ: 2021
لە پەڕتووکەکەوە:
بەرزکردنەوەی هیمەتی دەوروبەر لە لای پەروەردگار یەکێکە لە شکۆمەندترینی پەرستشەکان، هەر کەسێکیش هیمەتی خەڵکی بەرز بکاتەوە، ئەوا پەروەردگار لە مەترسی دەیپارێزێ و بەرزی دەکاتەوە.
لەم پەڕتووکەدا چەندین ڕاز و دەقی جوان و موناجاتم لەگەڵ خودا نووسیووە، وشەکان هەمە جۆر و، دەستەواژە و گوزارشتەکان هەمەچەشنن و لە یەکتر جیاوازن..
من لەم پەڕتووکە خاکیانە و سادەیەدا تەنیا ئەو ڕازانەم نووسیوون کە دڵمیان ئۆقرە گرتووە و، ژیری و هۆش و ئاوازیان قەناعەت پێکردووم.
سوپاس و ستایش بۆ پەروەرێنی جیهانیان کە تەمەنی پێبەخشیم بۆ بە پایان گەیشتنی.
سەلامی پەروەردگار بڕژێ بە سەر تۆ و دڵی پڕ لە ئازارت، دەمەوێ هەواڵی شتێکت پێ بدەم کە زەردەخەنە دەخاتە سەر لێوانت و دەتخاتە پێکەنین..
پەروەردگار تۆ دەبینیێ و گوێبیستی ترپەی دڵیشتە، زاتی ئەو بە فرمێسکەکانت بە ئاگایە و دەیانبینێ، پەروەردگار بیینەری ئەو فرمێسکانەیە کە تۆ لە نیوە شەودا دەیانخەیتە سەر ڕوومەتەکانت، چاوێکیشت لەسەر ئایەتەکانی پەروەرێنە، خەڵکیش لە شیرنە خەودان.[1]