عەدێ و مەدێ 18
سوپاسی کوڕە کۆسەکەم کرد و گۆتمە عەدێی بابچینە سەرێ بزانین ئەو گۆلکەی ناینینەوە ! گۆتی : یاڵلا، عەدێ دەبانچەی سوار کرد و بە پێشم کەت، گۆتم : وەڵلاهی عەدێ هەقی وایە حزب پارەی سێ چار گۆلکتان بداتێ، ئەنگۆ ئەوەندە لە خەمی ئەو گۆلکەی دانە هەتا لۆی بکەنە قوربانی ! عەدێ گۆتی : وەختی ڕابواردنێ نیە، با پێت برێم عزب برێ بمرە دەمرم ! گۆتم : ئەدی ئەگەر پێیان گۆتی ئەمن بکوژی ؟ گۆتی : بەو دەبانچە چاردە خۆرەی هەر چاردە گوللەت لە سەری دەدەم و دەتکوژم ! گۆتم : دە وەڵلاهی مادام وەیە، شەرتبی لەگەرت نایێم و وا ڕاست دەچمەوە مارێ، مادام ئەتوو ئەو نەوعە کۆیلە بی، شەرتبی شاقاوەکی دیت لەگەر ناوێم ! عەدێ هەر چەند ڕجای کرد، گۆتم : کورە دەبڕۆ هەی گەلۆر، ئەمن مردم هەنکی لە دوو گۆلکی بگەڕێم، ئەتووش ئەوها دەرێی، ئەتوو چڕ و چاوی خۆت دیتیە دەرێی گۆلکی عوزێر پێغەمبەری، عەدێ بە سەکەت لۆ شووقەی ئەمنیش شۆڕ بوومەوە لۆ لای مارێ !
دەوری نیو سعاتەکی پێچوو بووە قیژە قیژ لە ماری مەدێی، خێزانم هات گۆتی : بیاوکە دی بڕو ئەو مار مەدی، بزانە ئەو خەپسە س ! گۆتم : وازم لێبینە ناچم، لەوانە دوور بم باشترە، سووندی خوارد و گۆتم لازم بسی مار مەدی ! چارەم نەما چووم، وەکی گەیشتمە حەوشەیان، دیتم عەدێ لە خینێ وەردرایە و بوویتە جەنازە، دوو پۆلیسیش لەوێ ڕاوەستابوون، گۆتم : خێرە ئەوە ؟ گۆتی : وەڵلا ئەو زەلامە لەگەر مەجموعە لۆتیەکی بە شەڕ هات بوو، لە سەر گۆلکەکی، ببووە هەرا و تەقەی لێکرد بوون، ئەوانیش فرسەتیان وەرگرت بوو، دەبانچەکەیان لێستاند بوو، هەندیان بە مەترەقان لێدایە کردیتیانە جەنازە، چابوو تەلەفۆنیان لۆمە کرد، چووین لەبەر دەستمان دەرینا و بە گۆلکەوە هینامانەوە، چوومە لای سەری عەدێی و گۆتم : کوی ؟ گۆتم : مهیم عزب سەلامەت بی، هەزار خۆڕی وەکی منی بە قوربان بی ! مەدێش پاری بە دیواری دابوو، هێشتا باش نەهاتبۆوە سەرەخۆ، سەری برند کرد و تەماشا گۆلکی کرد، سەرەکی بادا و گۆتی : عەدێ تڕکەن لە سەر ئەو گۆلکەی ئەوهات لەخۆ کرد ؟ عەدێ گۆتی : لەسە چاکەی بە تڕکەنیشمان دەرینە ! مەدێ گۆتی : ئاخر ئەو گۆلکە گۆلکەکەی مە نیە هەی گۆلک.!
مایتی [1]
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
این مقاله 1,003 بار مشاهده شده است
نظر خود را در مورد این مقاله بنویسید!