دەقی پەیامەکەی #بافڵ تاڵەبانی#:
ساڵی نوێ لە کۆمەڵانی خەڵکی کوردستان پیرۆز دەکەم، هیوام وایە بە خێر و شادییەوە بەرەو ساڵێکی ئارامی سیاسی و ئابووری و کۆمەڵایەتی، هەنگاوبنێین و هەموولایەکمان لە کەشێکی کامەرانیدا ژیان بەڕێبکەین.
لەم بۆنەیەدا تەئکید دەکەینەوە لە یەکخستنی هەوڵەکانمان بۆ یەکڕیزی نیشتمانی و تەبایی نێو ماڵی کورد بۆ ڕووبەڕووبوونەوەی ئاڵنگارییەکان لە پێناو سەرخستنی هەنگاوەکانی چاکسازی و زیاتر خزمەتکردنی خەڵک و خۆشگوزەرانی زیاتر و پێکهێنانی حکومەتێکی کارا لە عێراق کە بتوانێت وەڵام دەرەوەی خواستی هەموو نەتەوە و پێکهاتە و ئاینزاکان بێت.
ئێمە لە یەکێتیی نیشتمانیی کوردستان هەموو هەوڵێکمان ڕوو لە بنیادنانی حکومڕانییەکی تەندروست و خزمەتگوزار و ڕاستکردنەوەی ڕێڕەوی ئیداری و ڕێکخراوەییە تا حزب لە خزمەتی هەمووان بێت بێ جیاوازی.
دووبارە ساڵی نوێتان پیرۆزبێت.
هەر شاد و سەربەرز و سەرکەوتووبن.
دڵسۆزتان
بافڵ جەلال تاڵەبانی[1]