دەقی پرسەنامەکە #مەسعود بارزانی#:
بەناوی خودای مەزن و دلۆڤان
بەداخێکی زۆرەوە هەواڵی کۆچی دوایی پێشمەرگە و کەسایەتیی نیشتیمانپەروەر و بەرپرسی هەردوو دەزگای ئەیلوول و گولانی #کەرکووک# جەمال حەمەدەمین سەعید ناسراو بە (عەریف جەمال)م بیست. خوالێخۆشبوو تێکۆشەرێکی قارەمانی گەلی کوردستان و هەڵگری میدالیای بارزانی نەمر بوو کە ماندوونەناسانە تەمەنی خۆی بۆ خەبات و خزمەتکردنی ئامانجە باڵاکانی گەلی کوردستان تەرخان کرد.
پرسە و سەرخۆشیی خۆم بە بنەماڵە و کەسوکار و هەڤاڵ و هاوسەنگەرانی خوالێخۆشبوو عەریف جەمال ڕادەگەیێنم و خۆم بە هاوبەشی خەمیان دەزانم. لە خودای مەزن داواکارم ڕۆحی خوالێخۆشبوو بە بەهەشتی بەرین شاد بکات و سەبر و ئارامی بە هەموو لایەک ببەخشێت.
انا للە و انا الیە ڕاجعون
مسعود بارزانی
29#-01- 2022#[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!