دەقی پەیامەکەی #بافڵ تاڵەبانی#:
ئەمڕۆ 31 ساڵ بەسەر ڕاپەڕینی #هەولێر#ی پایتەختی کوردستان تێدەپەڕێت، لەو ڕۆژەدا هەولێرییەکان مێژوویەکی پڕ لە سەروەری و قارەمانێتییان بۆ کوردستان تۆمارکرد.
دەبێت لەم یادە شکۆدارەدا ڕۆڵی کاک کۆسرەت ڕەسوڵ وەک سەرپەرشتیاری ڕاپەڕینی هەولێر لە یاد نەکەین و وەبیر خۆمانی بهێنینەوە کە یەکێتیی نیشتمانیی کوردستان بوو ڕۆڵەکانی خۆی کردە قوربانی ئازادی هەولێر و سەرفرازیی خەڵکەکەی. ئەمە مێژووی نزیکی گەلەکەمانە و هەولێرییەکان ئەم ڕاستییە لە یاد ناکەن.
بەڵێن بە خەڵکی خۆشەویستی ئەو شارە دەدەین وەک چۆن یەکێتییەکەتان ئەندازیار و جێبەجێکاری بەرنامەی ڕاپەڕین بوو، ئێستاش لە جاران زیاتر لەگەڵتان دەبێت و داکۆکی لە مافەکانتان دەکات. ڕووبەڕووی هەر جیاکارییەکی سیاسی و ڕێکخراوەیی دەبینەوە کە ماف لە خەڵکی هەولێر و هەر شوێنێکی تری کوردستان زەوت بکات. ئەمە بەڵێنی ئێمەیە و خەباتی ئێوەیە لەپێناو ئەم حزبە تێکۆشەرە لە یاد ناکەین.
درود بۆ ڕۆحی شەهیدانی ڕاپەڕین و سەرجەم شەهیدانی کوردستان
سڵاو لە خۆڕاگری و ئازایەتی هەولێر و هەولێرییەکان.
بافڵ #جەلال تاڵەبانی#
11ی ئاداری 2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!