قازانجی شوانی ماکەر گاینە
وتراویشە: قازانجی گاوان ماکەر گاینه، کاری شوانکارەیی و گاوانی بەبێ کەرەشوانە و جاشکی گاڕانی ناکرێت، چونکە تێڕکەیەک دەخرایە سەر پشتی ئه و کەرەشوانەیە، پێداویستییەکانی خواردن و خواردنەوە تێ دەکرا وەکوو (مەتارەی ئاو و تکلی و قۆریەی چایە و تورەگەی پڕ نوردووی نان و پیاز و هێلکە و تەماتە و بەگوێرەی ڕسقی شوانە یان گاوانەکە) ، شوانەکان زۆرتر ماندوو دەبوون بەدوای مەڕوماڵاتەکان دەکەوتن ئه و هەرد و ئه و کێو و زورگانەیان دەکرد بەسواری پشتی کەرەشوانەکانیان دەسوڕانەوە و گەنج و بێ ژن و ماڵیش بوون ناوە ناوە دەچوونە گژیان و خۆیان پێیان خاڵی دەکردەوە، ئیتر کورد زاراوەی کەرگێی هێنایە سەرزاران بە هەندێک کەس دەوترا (کەرگێ) ، پیاوێک لە ئاواییەکی کوردستان دوو کوڕیشکەی هەبوو زۆریان حەز لە ژنهێنان بوو، باوکەکەش بۆی نەدەسوڕا ژنیان بۆ بهێنێت و مەڕوماڵاتەکەشی بێ شوان بمێنێتەوە، ڕۆژێک دەچێتە مەیدانی نێرەکەرانی حاجیاوە دوو جاشولکەی ماکەریان بۆ دەکڕێت و هەر یەکەی بەناوی یەکێکیانی دەکات و بۆ ماوەیەکی زۆر داوای ژنهێنانیان لە باوکی نەکرد، دەوترێت: گاوان بێ ئیشترە و پشووی زۆرترە چونکە چێڵ و مانگا زۆر ناگەڕێن وەکوو بزن و مەڕان، بۆیە زووتر دەچێتە گژ جاشکەکەی ئەوەش وایکردووە جاشکەکە بێزا بێت و لەبەر دەستی ڕابکات، ئەگەر کەسێک زوو واز لەکارەکەی بهێنێت و تەواوی نەکات دەوترێت: دەرێی جاشکی دەست گاڕانییە، هەر ڕادەکات، هەموو ئەمانە بۆ شوانکارە و گاوانان بووە بە ئیدیۆم و چونکە مافە شوانی و گاوانی کەمە بۆیە وتراوە: قازانجی شوانی مارکەر گاینە.[1]
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
این مقاله 471 بار مشاهده شده است
نظر خود را در مورد این مقاله بنویسید!