ئەستووک، ئەستووکی سێر لە قێنە
لە زاری(ئەسعەد ئاغای نەوەی مەحمود ئاغای سارتکی)یەوە وەرم گرتووە کاتی خۆی مام سەعید ناوێک لە گوندی سارتک)ی شارەدێی سێگردکان هەبوو، بەڕەحمەت بێت هەموو جاران دەیگووت: کابانەکم دەوێت ئەستوکی سێر لە قێنم بۆ بکات، لە هەولێر و کۆیە و قەراج و کەندێناوە بە ئەستورکە و ئەستورک و کولێرەی گەورەی سەر ساج و سێرێ دەوترێت: ئەستووک، کە لەدوو ئەنگوتکە هەویر یان زیاتر کابان و نانکەران دروستیان دەکرد، ناوەکەی لە(ئەستوور)ەوە هاتووە، وەکو نانی تیری تەنک و جوان نەبوو، بەڵکو کولێرەیەکی لچ ئەستوری گەورە بوو، زیاتر لە کۆتایی نان کردن ژنان دەیانکرد بۆ بەرچایی و ماست پێ خواردن دەیانبرژاند، ئه و ئەستووکە گەورەیە کە کەیبانوو پانی دەکردەوە دواتر یان بە دەست یان لەسەر تیرۆگەکەوە بەسەر سێرەکەی دادەدا تەپەی لێوە دەهات، ئه و ئاگردانانەی لەسەر کوچک و بەرد دانرابوون سێرەکانیان دەڵەقایەوە و دەیجولاندەوە، به و ئەستوکە دەوترا سێر لەقێن، ئەوە زیاتر گوزارشت بوو لەوەی کە وەرزێر و سەپان و پاڵە و ڕەنجبەر و کرێکار و زەحمەتکێش و جۆوان و کشتیار و جۆتیار به و کولێرە و ئەستوکەی نەبێت تێر ناخۆن، بۆیە وەکو ئیدیۆمی لێهاتووە ئه و ڕەنجبەرانەی بەنانی تیری تێریان نەخواردووە ووتویانه ئەستووک، ئەستوکی سێر لەقێنە، نەوەک ئه و نانۆکانەی کە سیان و چوار بڕستی برسێتیمان ناشکێنێت.[1]
این مقاله بە زبان (کوردیی ناوەڕاست - Central Kurdish) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
این مقاله 48 بار مشاهده شده است
نظر خود را در مورد این مقاله بنویسید!