نامۍ: ڕۊژماری ھۆرامی 1398 ڕۊجیاریی - 2019 پېڎایی
نامۊ ئاماڎەکەری: ئاکۆ مارانی
ساڵۊ ۋەڵابېیەی: 2019
ڕۊژماری ھۆرامی: یەکەمین ڕۊژمار (تەقویم)ی ۋەرباخەڵیی بە ھۆرامی، یەکەمین ئاماڎەکەرڎەیش ڕېکۆتو مارتو 2015-سېیاۋکامو 1393 ۋەڵاکریانۆ.
ڕۊژماری ھۆرامی سەرو بنەماو ساڵنامەی مەسېحیی (ئۆروپای) و ڕۊجیاریی (ئێرانی) نریانەرە و فرەو ڕۊ و بۊنە جەھانییەکا و ڕوداۋە گرنگەکا ناوچەو ھۆرامانی و کورڎەسانیش وېگېرتېنۍ و ساڵ بە ساڵ زانیارییەکېش زیاڎۍ کریێنۍ و بە شېۋەو ئاماڎەکارییەکاش پەرەدریان.
ئاماڎەکەرڎەی و ۋەڵاکەرڎەی (ڕۊژماری ھۆرامی) کۊششېۋی وېبەخشانە بېیەن و ھیچ کەس و لایەنېۋی ڕامیار و دەسەڵاتداری پەشتیۋانی مالییش نەکەرڎەن.
کەسانېۋ کە چە جەماۋەریی کەرڎەی زانیارییەکانە بەشدارییشا کەرڎەن، ۋەڵاکریاو ئا ساڵېنە نامېشا نۋیسیێنە، کە ئاڎېچی پېسەو کۊششېۋی وېبەخشانەی کەسیی ھامکارییشا کەرڎەن.
[1]