لە جەواڵ دەستی پێوە نەگرتووە، لە هەمبانە دەستی پێوە ئەگرێ
جەواڵ تورەگەیەکە گەورەترە لە هەمبانه، لە بەن و موو دروستکراوه، هەمبانە: بچوکترە لە جەواڵ و لە چەرم و پێستە دروست دەکرێت، هەردوو کەل و پەل لە کۆندا دانەوێڵەی تێدا هەڵگیراوە و وردە وردە کەیبانوو ئه و دانەوێڵەی بۆ پێداویستی خواردنی ڕۆژانه دەرهێناوە تا گەیشتۆتە بنی جەواڵ و هەمبانە، ئه و حاڵەتی جەواڵ و هەمبانەیە بووە بە ئیدیۆم و ئەگەر کەسێک ئابوریانە نەبێت و قەدری زۆری شت نەزانێت و دواتر بیەوێت بە شتی کەم شتە لە دەست دراوەکان بگەڕێنێتەوە بە تەوسەوە پێی دەوترێت: لە جەواڵ دەستی پێوە نەگرتووە، لە هەمبانە دەستی پێوە دەگرێ.[1]