لە درۆنت نێم
وتراویشە: لە قوڕێت نێم، لە خمێت نێم لە خمخانەت نێم، لە هەشت نێم، له و هەمبانەیەی... تاد، خم: جۆرە ڕەنگێکە بەن و کاڵا و شمەکی پێ ڕەنگ دەکرێت، ئه و شوێنەی کە ئه و کارەی لێ دەکرێت پێی دەوترێت: خمخانە، قوڕکاریش یەکێک لەکارە قورسەکانی گوندنشینان بوو، هەندێجار بە گاڵتەوە یەکێکیان له و گەنجانە دەگرت کە قوڕکاری و قوڕەپەست و سەرسواخی دەکرد، یەک ستڵ لە قوڕیان بەسەر سەری دا دەکرد، ئەوانەی تازیە بار و خاوەن پرسە بوون، سەریان لە قوڕ و هەش ناوە، هەمبانەش چەرمی ئاژەڵ بووە بۆ زۆر بواری ناوماڵ بەکارهاتووە بەتایبەت پڕکراون لە دانەوێڵە، ئیدیۆمی لە درۆت نێم هاوشێوەی ئه و حاڵەتانەی لە(قوڕێت نێم و لە خمێت نێم و لە هەشت نێم و لە خمخانەت نێم) فۆڕمی ئەوانی وەرگرتووە، ئەوانە هەموویان بەرجەستەن، بەڵام درۆ واتاییە(مەعنەوی) درۆ وەکو شلەکانی(خم و قوڕ و هەش و خمخانە) بەکارهاتووە، ئەگەر کەسێک درۆیەکی گەورە بکات بۆ شاردنەوەی ڕاستیەک ئەوا بە حەپەسانەوە پێی دەوترێت: لە درۆت نێم. [1]
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
این مقاله 1,349 بار مشاهده شده است