دەهۆڵ هەرچەندی گەورەتر بێت، ناوی بۆشترە
دەهۆڵ، دۆڵ، دۆر، تەپڵ: چەرمێکی خاوی ئاژەڵی خۆشکراوە، بەدەم و سەری دەفرێکی قوڵەوە تووند کراوە، ئەگەر بە دار لێی بدەیت، دەنگ دەداتەوە، لە زۆر ئیدیۆمیشدا بەکاهاتووە وەکو: دەنگی دۆڵ لە دوورەوە خۆشە، دۆڵ دڕا، تەپەی بڕا، دەهۆڵ کوتانە، ئینجا ئه و دەهۆڵە هەرچەندە گەورەتر دروست بکرێت ناوی بۆشتر دەبێت، ئه و حاڵەتەی دەهۆڵ و گەورەییەکەی کراوە بە ئیدیۆم و بە کەسێکی بێ کەڵک و بێخێر و هیچ لەبارانەبوو دەوترێت تا بەره و ساڵ بچێت و گەورەتر بێت لە تەمەن هەر وەکو خۆیەتی هیچ لە بابەتەکە ناگۆڕێت بە تەوسەوە پێی دەوترێت: کورە بابە دەهۆڵ هەرچەندی گەورەتی بێت، ناوی بۆشترە.[1]