هاوڕێیان و دۆستان، خوشک و برایان، بەرپرس و نوێنەرانی لایەنە حیزبی وحکومییە بەڕێزەکان و دەزگا ڕۆژنامەوانیەکان وخزمانی ئازیز…
بەشداری فراوان و بە پەرۆشی ئێوە لە ڕۆژی ناشتن و پرسەی جوانەمەرگی برامان #بژار عەلی بۆسکانی# خەم و پەژارەی خانەوادەکەمانی کەم
کرد و ئارامی و دڵنەواییەکی گەورەی پێداین.
ئەو بەشدارییەی ئێوە وەک خۆشەویستی و وەفایەک بۆ کاکە بژار و خانەوادەکەمان، مایەی ڕێز و شانازی و سەروەرەیەکی گەورەیە بۆ ئێمە کە هەرگیز لە بیر ناکرێت. بەناوی بنەماڵەی کاکە بژاری جوانەمەرگەوە سوپاسی بێ پایانتان دەکەین کە لەو دوو ڕۆژە گەرمەدا هاوخەممان بوون و ئەرکتان کێشاو ماندووبوون لەگەڵماندا.
هەروەها سوپاسی هەموو ئەو کەسایەتی و هاوڵاتی و بەرپرسەی حیزب و حوکمی و خزمانی دەرەوەی وڵاتیش دەکەین کە بە هەر هۆیەک بێت نەیانتوانیووە بەشداری پرسەکە بکەن و لە ڕێگای تەلەفون و نامەوە بەسەریان کردووینەتەوە یان لەڕێی تۆڕە کۆمەڵایەتیەکانەوە هاوخەمی خۆیان دەربڕیوە.
هیوادارین کەس ئازاری وا نەچێشێت و هەمووان لەش ساغ و سەلامەت بن و وڵاتمان و بەتایبەتی شاری سلێمانی لە ئارامیدا بژی..
#جوتیار عەلی بۆسکانی#
بەناوی بنەماڵەی جوانەمەرگەوە[1].
23 ی تەموزی 2022