ئەووەل کو یارێ دا مە یەک زەررەیەک عنایەت
قسمەت مە خەمر و جامە د دەفتەرا هدایەت
حوسن و جەمالێ جانان نادێرتن تو پایان
هەر چ نەبت بدایەت ئەسلەن نەهن نهایەت
فەیزا عولوومێ حکمەت جاما سەدەف کو گێڕا
مە ژ دەستێ موغبەچان دیت ب موسحەف و ب ئایەت
عارف حەتا نەنووشی ژ دەستێ مەیفرووشی
غائب نەبوو ژ هووشی پەیدا نەکر ولایەت
گوناه و زوهد و تامات هل ناگرت خەرابات
کەسێ ب ڤی دەری ڕەت دڤێ بکت ڕعایەت
عشقێ ژ هەردو چەشمان ئەووەل د دل ئەسەر کر
لێ زەررە زەررە ئاخر سۆتن کر و سرایەت
(شاکي السلاح) هەر دەم ب کوشتنا مەلێ بت
گازندەیان ژ کێ کم ژ کێ بکم شکایەت؟
جاما د دەستێ شاهد ژەنگێ ژ دل دشۆتن
پیرێ موغان ژ ڕەندان وەه وەه دکر ڕوایەت
ئەتوارێ عشق و مەستی ئەسرارێ بوتپەرەستی
تەقریرێ سەد ڕوایەت ناکت ل بۆ کفایەت
(ليطمئن قلبي، عين اليقين) دبەخشت
(عين العيان) دڤێتن کافی نەهن درایەت
میری و پادشاهی موویەک ل نک مەلایی
نادم ب مولکێ عالەم یەک زەررەیەک عنایەت
#مەلای جزیری# [1]