دوای بڵاو بوونەوەی هەواڵی دەستگیر کردنی #یاسین مەحمود# ڕەشید، ناسراو بە مەلا یاسین، خاوەنی گروپی کۆمپانیاکانی بەڕێز و سەرۆکی یەکێتی وەبەرهێنەرانی کوردستان لەچەند میدیایەک سەرچاوەیەک لە نزیک ناوبراوەوە هەواڵەکەی ڕەتکردەوە.
سەرچاوەکە بە بواری ڕاگەیاند ”مەلا یاسین لە #سلێمانی#یە و وەک ڕۆژانی تر سەرقاڵی کاروباری گروپی کۆمپانیاکانی بەڕێز و یەکێتی وەبەرهێنەرانە و هیچ سکاڵایەکی لەسەر نیە و هیچ شتێکی لەدادگاوە پێنەگەیشتووە.
مەلا یاسین، دوای دەستگیرکردنی ژمارەیەک کەس لەسەر دۆسیەی زەوی و زار لەسلێمانی لەسەر فەرمانی #بافڵ جەلا تاڵەبانی# سەردەمی ئێستای سلێمانی بەهۆی بڕیارەکانی بافڵ تاڵەبانیەوە بە سەردەمی محەمەدی مەهدی چواند و لەسۆشیال میدیا ڕووبەڕووی ڕەخنەی زۆر بووەوە.
مەلا یاسین خاوەنی 13 پڕۆژەی وەبەرهێنانە لە سنوری پارێزگای سلێمانی و #هەڵەبجە# و زۆربەی پڕۆژەکانی لە بواری نیشتەجێبوندایە. [1]