خەشمێ ل فەقیران مەکە زوو پادشەهێ من
پورسێ بکە جارەک ل خەتا و گونەهێ من
تەفتیش ب مووموو بکە ئەر ئەم ب خەتا یین
هنجا نەکە بێتن ت وەلاتی ت جەهێ من
جەورا تە بەهیتین و جەفایا تە پەرێتین
قوربانی تە بم گوه بدە جارەک گلەهێ من
زانی کو ژ بەر زەرب و جەفایان ئەلەمین دل
ڕەحمێ ب گەدایێ خوە کە سولتان و شەهێ من
سه سالە ژ دەرد و ژ بەلایێ تە هلاکین
حەتتا ب فەلەک هەر دڕەتن ئاه و ئەهێ من
ما یەک نەفەسەک من دبتن سەبر و قەرارەک
قەد بێ تە و بێ تە دبتن مسلی سەهێ من
گەر شوبهەتی پەروانە د بەزمێ تە چ سەد گەڕ
سەد نالە هەزار ڕەنگ وەکی چەنگ و ژەهێ من
نوورین قەدەحا خەمر و حەیاتا مە ب سەر دان
گەر وێ بدەتن دەست ب دەست موشتەرەهێ من
یەک عشوە، مەلا گەر ب بوها بێت ژ لەعلان
سەد جان مە هەبن هێژ کو موقەسسر د بەهێ من
#مەلای جزیری# [1]