چونکە شیرینی، عەیشم تاڵ مەکەر
پەردەی دەرونم وە زووخاڵ مەکەر
بۊ نازێ بکەر، زام پېش تازە بۊ
نازیچ ئەو خاسەن، وە ئەندازە بۊ
تۊ وەی غەمزە و ناز، یە ئەروام بەردی
غەمزە و ناز وە عەین، جە گیانم کەردی
غەمزەی نازەنین، خاتوونی ئێران
غەمزەی تۊ شیرین، یانەم کەرد وېران
تۊ خۊ کېشانت، ئەی ئاهی سەردە
خشتێ جە باری سەنگی ئەی دەردە
مەویا بە حاڵم، خاستەر بزانی
ئەوەند موسیبەت، پەنەم نەنمانی
ئەر بە زۊر گەنی، وەسېن بەهانە
بکەر دەربارم، لوتفی شاهانە
وەسېن وەس دەر پېم، دەردی سەر ئیم شەو
مەبۊن وە زوخاڵ، تا سەحەر ئیم شەو
وە جارێ درۊس بدیە وە لاوە
بادا نائومېد، نەشۊن وە ڕاوە
ئەگەر نەنیۊنە، بۊ وە بۊت ئیم شەو
حازر کەر پەرېم، یەک تابووت ئیم شەو
زنجت جە نارنج، بەغدا بەردەن ڕەنگ
لاڵ پەی لەبانت، سەر مەدۊ وە سەنگ
#خانای قوبادی# [1]