سەرۆکی فراکسیۆن سوورە لەسەر دەست لە کارکێشانەوە
بەپێی زانیارییەکانی بوار، ئەنجومەنی سەرکردایەتی کۆمەڵی دادگەری دەسەڵاتی کشانەوەی فراکسیۆنی #کۆمەڵی دادگەریی کوردستان# لە دوای درێژکردنەوەی تەمەنی خولی پێنجەمی پەرلەمانی کوردستانی داوەتە سەرۆکی فراکسیۆنی حزبەکەی لە پەرلەمان، دوای کۆبوونەوە لەگەڵ فراکسیۆنە ئۆپۆزسیۆنەکان و پەرلەمانتارە سەربەخۆکان.
بوار زانیویەتی، سەرۆکی فراکسیۆنی کۆمەڵی دادگەری بە سەرکردایەتی حزبەکەی ڕاگەیاندووە، ئەگەر لەگەڵ لایەنەکانیش لەسەر ئه و پرسە نەگەیشتنە ڕێککەوتن ئەوا خۆی وەک شەخسی لە دوای 6ی 11ی 2022 دەست لەکاری پەرلەمانتاری هەڵدەگرێت.
بەپێی زانیارییەکانی بوار، لەسەر وازهێنان، پەرلەمانتارانی ئۆپۆزسیۆن و سەربەخۆکان ناکۆکی لە نێوانیان هەیە. وا بڕیارە لە ماوەی چەند ڕۆژی داهاتوو له و بارەیەوە بڕیای کۆتایی بدەن.
هەربەپێی زانیارییەکان، لە نێو فراکسیۆنی کۆمەڵی دادگەری، زۆرینە لەگەڵ ئەوەدان بەردەوامبن لەسەر کاری پەرلەمانتاری لە دوای درێژکردنەوەی تەمەنی خولی پێنجەمی پەرلەمان. [1]